熊貓仔俱樂部

今日是我的生日,首先要多謝各位朋友的短訊,賀卡,電話祝賀,生日飯,生日禮物等,小女子真係無以為報。

今朝我比平時返工更加早起身,見到天氣非常晴朗,感謝神,心情亦即刻為之一振。懷著興奮之心情去梳洗,食早餐,預備今天去海洋公園的裝備(水,相機,毛巾,紙扇,太陽油,帽子,傘子)。轉眼間已到我和fanny的約定時間,於是我便快步往我們的約定地點:九龍站,準備一起轉乘城巴973往海洋公園。由於今天不是星期六,日,公眾假期,所以今天的973是不會轉入海洋公園正門的巴士站落客的,我們唯有選擇於最近的[海洋公園道]車站下車,然後經途人指示下步往海洋公園正門,車程約20-30min,步程約10min。我們到達正門的時間已是10:15了。

到達的第1件事當然是用身份證去換飛la。換完飛後便入左門口間紀念品店涼冷氣,真係好熱呀。跟住我地就先去熊貓館探安安同佳佳,佢地2隻大熊貓起到食緊早餐,我唸呢個時候應該係捕捉熊貓最動一刻的最好時機了,因為朝早起身熊貓要食早餐,做運動,下午去好多時都會訓午睡的,或者係坐到老遠咁,唔理人。我仲同熊貓遠距離合照tim,呢張相係去咁多次海洋公園同熊貓影遠距離合照影得最清的1張,真開心,真係要多得fanny。

探完熊貓就順道去左恐龍足跡同蝴蝶屋,去完後沿著回頭路步往纜車站排隊搭纜車。不知何時開始，現在連上纜車前也要先拍照，待你到山頂的纜車站後再欣賞及考慮是否購買該張相片呢，真係唔放過任何一個可以earn money的機會。

到達山頂纜車站後,我們先去水母館睇水母,d水母原來係冇頭,冇眼,冇耳,冇口,冇肚,他的每1個動作都是靠他的神經呢。水母館入面都幾黑,唔同品種的水母存放在不同的水箱及水管內給人客拍照，在不同的燈光及營光打造下，各水母都留露著不同的美態，不過不知道是什麼原因，水母在攝影機下的風采是遠遠不及肉眼所看見的呢。水母館其實唔係好大,佢的2側都裝滿了鏡子，令狹窄的地方忽然感覺上變得寬敞，不消10分鐘已經行完了整個館子。我們離開時還和1個穿著水母裝飾的小丑合照呢。

去完今天的主打〔水母館〕後，我們便去了海洋館，海洋館雖然已經去過很多次，但係每一次都令我感到新奇，興奮。去完之後就去了玩飛天韆鞦－＞摩天輪－＞跳樓機，全部也不用怎樣排隊呢，真好。跟住買了個炸雞餐往海洋劇場享用，一邊欣賞百看不厭的表演，一邊享受炸雞午餐，真是好享受。不過不知怎的，感覺上表演時間短了。

表演完後，我們先慢慢步往鯊魚館，消化一下我們的午餐。原本想去買雪糕食，但是真係很多人呀，最後我們還是暫時放棄冰凍的雪糕，先前往太平洋海岸觀賞海獅和海豹。跟住就去了山下玩我覺得最刺激的越礦飛車和滑浪飛船。HaHa,真係好好玩,越礦飛車係海洋公園入面唯一一個會令我尖叫的機動遊戲,每次玩都非常驚,但係玩完又很High,真係予盾。滑浪飛船就好似冇以前細個咁好玩,可能玩得多日本d更高,更勁,更濕身滑浪飛船,所以都覺得海洋公園的滑浪飛船小兒料,不過無輪如何,我條短褲,我個袋,我件風褸都係濕晒,真係涼快。

玩完後時間尚早,我地就很悠閒地拍照,排隊買雪糕,買紀念品,最後當然係要排纜車去返正門那邊。估唔到整日排隊排得最久的,竟然又是纜車,不過相比起萬聖節排纜車的人龍,真係小巫見大巫,最後,我們還是花了逾半小時才能乘上纜車，準備回程。

在到達山下纜車車站後,我們再去兒童王國玩木馬,再去睇金魚,金魚的品種真係很多呢,仲有d好奇特tim。不知不覺,原來已經17:45了,公園內已經開始播放公園將於15分鐘後關門的消息,我們也在此時離開。