熊貓仔俱樂部

行程:葛西臨海公園海洋館(包入場)-富士山國立公園-湖畔商店街-温室香草館-箱根平和公園-御殿場Premium Outlet(世界名牌齊集：Gucci、Coach、Nike、Timberland、Bottega Veneta、Vivienne Westwood、無印良品)
住宿:富士山温泉酒店-平安旅館
膳食:(早)酒店早餐 (午)地道美食+SASHIMI (晚)酒店日式火煱

成田marroad酒店
今日8點出發,6點半MORNING CALL,7點15分食早餐,但係因為我地間房有3個人同埋我要朝早洗頭,所以我6點已經起左身(HK時間5點),跟住梳洗完,等埋佢地2個梳洗就去食早餐。酒店個早餐都OK,都算幾多款式選擇,有3款EGG,有煙肉,腸仔,包,乳酪,紫菜,亦都有日式早餐如納豆,飯,HK人當然冇人食飯做早餐LA。食完早餐,PACK埋行李,就離開酒店往第一站:葛西臨海公園海洋館

[冷得我騰騰震既]葛西臨海公園
WAH,一落旅遊車,就知中招,好凍呀。
可能係早同埋係海邊既關係,1件衞衣+1件衞衣外套都唔夠暖呀,要再加條頸巾先得,但係都唔夠,真係[冷得我騰騰震呀],我唸朝早得12度JAR。件厚褸又係個行李箱到,冇計,頂硬上。
早上的葛西臨海公園都有D日本晨運客係到晨運,佢有一條路既2邊係種滿左好多櫻花樹GA,櫻花樹說開滿了花,導遊說現在櫻花開到6,7成到,悠閒地漫步於櫻花路下,一陣涼風吹過,櫻花瓣亦隨之落下,真係勁正,勁浪漫,勁RELAX,乜野煩惱都冇晒,如果日日都可以咁就好,唔駛返工(我咁早就起度發夢),唸起都正。係D咁寫意,優哉悠哉同咁靚,咁浪慢既環境下,咁係要影番D相留念啦,D櫻花真係靚到百影不厭,去片

葛西臨海公園海洋館
影完一輪靚相後,終於個海洋館都入得場,一入到去就見到隻好可愛既企鵝公仔起度,緊係要影番張靚相啦,之後我地再睇下D海洋生物,我覺得海洋公園個海洋館好似大D,好行D,同埋多D品種,但係呢個海洋館都OK,後尾我地先發覺如來有得睇企鵝,不過要係一條幾隱閉既通道入去,我地又唔識日文,又冇留意張地圖,咁就MISS左。我唔排除我係睇完D企鵝後會對呢個海洋館加分。

富士山國立公園河口湖
睇完D海洋生物後,我地又要起程去富士山啦。我地今日先係中途於河口湖商店街的一間飯店裏面用膳,但係我地團裏面大部份人對於飯店裏面所提供的膳食都提不起什麼興趣。其實呢間食市D午餐唔係唔豐富,但係因為我地大部份人都係早上向導遊ORDER了自費的SASHIMI拼盤/船,雖然既貴了點(11000YEN-14000YEN一客),但係黎到日本冇理由唔試既。我同GIGI就ORDER了個拼盤,因為佢唔食龍蝦,所以冇ORDER左隻龍蝦剌身船，份量都唔少,有成8-9種SASHIMI,而且幾鮮味。大部份人面對住SASHIMI同埋日式火煱定食,多數都係主力SASHIMI,跟住個定食就主要食左個鍋D餸(金菇,牛肉,豆腐)同白飯,我都係。有D仲食埋個魚餅,同埋烏冬TIM,食完真係飽到上心口,要散晒步。
係我地用膳期間,有1團國內同胞團,佢地好多人都好似我地一樣,ORDER左個SASHIMI,但係唔知點解,佢地將D SASHIMI落去個鍋到,當餸食,真係"咩"一聲,俾佢地嚇親。
用膳完畢後,我地係商店街到行左陣,有D同團小朋友仲玩划船仔TIM,不過都係個句,好凍呀

温室香草館
食飽飽,導遊就要帶我地去一間賣香草既地方行下,不過,當然真係行1個轉就出番黎啦,行完之後我地就同個富士山影左張相。等上車期間,有1間舖頭正係到製作日本年糕,佢地仲邀請D遊人幫手用個搥盅D米,期間佢地既工作人員會每盅1下,就濕一濕水,然後搓一下,再盅,如是者,都盅左好耐,好香既米糕終於成型LA,見到呢D傳統野既誕生過程真係覺得幾得意,而且D日本人都好好客GA。

箱根平和公園
離開河口湖一帶,我地既旅遊車直駛往箱根平和公園,呢個平和公園係一個日式庭園,原本呢度應該係賞櫻聖地,但係呢度既櫻花都未開,入面有一個寺,有D咩舍利子呀,所以我地冇入到去,只不過係個寺門口影了D到此一遊既相就算了

箱根御殿場OUTLET
呢個景點我5年前都黎過,又係由於時間倉促,所以我地只可以停留個多小時,我地主攻運動品牌OUTLET如NIKE,ADIDAS等,我地係ADIDAS睇中左對鞋,但係因為費事帶返HK,所以冇BUY到,NIKE個OUTLET就認真唔掂。之後我地仲行左去LEGO同BANDAI既OUTLET,買左D LEGO KEYCHAINS同玩具做手信,再去無印行了1圈就已經TIMES UP要返去了

富士山平安旅館
離開OUTLET去我地所住的旅館途中,天已經黑了。在臨近我們今晚下榻之地的一段路,WAH,好靚呀。雖然天已黑,但係沿路上茂密的櫻花於晚上同樣綻放光采。在街道旁邊的居酒屋,已經於櫻花樹旁舖設了地席,為他們賞櫻的顧客提供各種美食,顧客於櫻花樹下享用美食,與友好交際應酬,很有地道FEEL,跟小時看動畫時的XX祭FEEL很類同呢。

好了,到達下榻的平安旅館了,享用了美味豐富的和式火煱,我地又去睇櫻花LA,不過今次係去睇夜晚的櫻花呢,日頭同夜晚係2種截然不同的感覺,但係都係靚到震,不過夜晚的櫻花比早上的櫻花更難拍攝得好,用閃光燈又唔係,唔用又唔係,總之,有唔同既缺陷啦,都係肉眼睇最靚。行完街街我地係便利店買左D原隻墨魚筒做宵夜,真係好味到震

影完相,買完野食,我地就要返上房沖涼,跟住換上日式浴袍,便起程去浸温泉LU。初初大家都煞有介事的,因為要唔著衫浸,只可以戴1條毛巾,我地仲唸緊著唔著衫係件浴袍裡面的,去到先除,但係後尾,我地覺得煩,所以都係入面乜都冇著,披了件日式浴袍就去了。入温泉前,我地要再沖身,才可以浸的。WA,真係好舒服,好正,不過唔可以浸太耐,浸了5分鐘,要上一上,然後再浸,最後我地玩了20分鐘到LA,跟住我地仲玩埋腳底按犘機TIM,認真S梳乎

行程:香港國際機場-東京成田機場-AEON繽紛購物城(無印良品專門店、100Yen店)
住宿:成田MARROAD酒店
膳食:(早)機場大家樂早餐 (午)飛機餐 (晚)酒店自助晚餐

香港國際機場
導遊約左0645於機場集合,明知呢個時間通常都係約早左,所以我遲左15MIN先到。到埗後交左件行李同PASSPORT俾導遊CHECK-IN,跟住就行左陣,但係當然咁早其實係冇野行,好多SHOP都未開。閒逛了一陣,再會合埋導遊同其他團友,取回PASSPORT同登機証,同埋入日本境要填個張入境紙,導遊再教埋我地點填張入境紙,教完後,就入得去過關啦。

過關之前要CHECK左D HAND CARRY既行李先,根據香港國際機場的最新保安指引,每名旅客的隨身行李內的液體物品(包括gel都要),每瓶容量不可超過100ml,呢d液體物品亦需要存放於一個透明密實袋裏面封好,於過機時要獨立分開過機。我呢d lazy人,就緊係費時煩,張所有野擺晒係個行李箱到,所以我又唔會覺得呢個新規定特別煩,況且成個機場都有工作人員提示旅客有關呢個新規定,同派密實袋,所以我覺得都ok。CHECK完行李,過埋關,食埋個早餐,就要登機LA

今日我地搭既機係港龍KA360,40閘口登機,要搭無人駕駛列車先到,呢班機FULL晒,我地又唔係早登機,所以要排一陣隊先上到機。好彩呢架KA360係大機黎,有電視,可以睇戲,如果唔係呢3個幾鐘實悶死都似。佢播緊既2套戲分別係007既賭場風雲同寶貝計劃,2套我都睇過,2套都唔吸引,但係因為費事睇字幕,所以都係睇左套笑片-寶貝計劃。個飛機餐亦都一D都唔好食,好彩有個haagen dazs雪榚食補番數

日本成田國際機場
好了,終於到日本啦,日本比香港快一個鐘,到埗時間係日本時間AROUND 2點鐘,過海關時勁多勁多人,海關既效率又唔係話快,所以過海關都過左好耐,差唔多3點鐘先過完,跟住就去攞行李,個導遊真係勁,竟然一個人攞晒成團人既行李,讚,所以我地唔駛係條行李帶等行李出。

成田MARROAD酒店
跟住我地係機場上左酒店SHUTTLE BUS返酒店擺低D行李先,唔知發生乜事,我個鎖壞左,3條鎖匙都開唔到,明明係HK機場時都開到,我仲擺左D野入去TIM,咁現在咪即係開唔到行李,唔得GOR WOR。跟住即刻打左導遊酒店房內線,佢叫我帶埋件行李落LOBBY,跟住佢幫我問酒店D人借工具整爛個鎖,我個行李終於都開到啦,YEAH。

AEON購物城
擺低完D行李就去左AEON購物城開始我地既購物之旅,個商場都幾大,入面有FANCL,無印良品,吉之島,100YEN店,大型鞋舖,藥房,精品店,仲有機舖,同型型式式既BONTIQUE等,但係我地只係得2個鐘頭行,勁趕同唔夠時間,只係100YEN店都消磨左好耐時間LA,我地仲有礙於有個小朋友,所以仲要同佢睇佢D玩具精品店TIM。
最後,我係MUJI買左個HK時已經睇中既側揹袋,1支多色筆(HK 7-8折到),係100YEN店同JUSCO買左D小手信同零食,係藥房買左KAWAII維他命C魚肝油丸同鈣丸（係HK 7折,好平)

成田MARROAD酒店
買完野返酒店擺低D野,跟住就去食晚餐LA。個酒店BUFFET當然冇HK D5星級酒店咁正,但係都食得飽既,D野食味道都OK,係款式唔多,亦都冇魚生,SUSHI個D,不過個榛子雪榚就好正,櫻花雪榚就HAHA,叫試過我,不過我下次唔會再試

尋晚OT到10點,返到屋企食埋飯都11點幾,上左一陣網,差唔多成12點先開始執行李,執左個幾2個鐘行李先執完,好眼訓。

但係唔訓得住,因為我去旅行期間正值每月最忙碌的時間,所以一定要交帶好D同事先走得較為放心同安落,如果唔係我返工個日一定被電話疲勞轟炸而死。臨放工前send完個message俾CHINA同事又hang左個ICQ,我驚佢收唔到我MESSAGE,咁就死得LA,所以我臨訓前再SEND多次ICQ,點知又HANG埋,又再開過,再SEND過,再將我要交帶其他同事幫手同注意的打係icq,同買多個保險send埋email,驚佢地收唔到,咁我先較為放心同安落。SEND完都已經係零晨3點15分。

雖然好攰,但係因為過左訓覺時間,要差唔多4點先訓到,但係我要6點45分係機場集合,所以我只係訓左2個鐘到,好眼訓呀

6點10分,我帶著疲憊的身軀,拖著一箱行李,離開家門,開始我2007年的日本之旅

我呢半年黎差唔多個個月都病一次,一係月頭,一係月尾,原本唸住今個月終於都可以唔駛病,但係點知同上個月一樣,都係臨尾香,我好唔想病呀

雖則有時明知個病可以自己自然好,但係為左個1日有薪病假,所以都會睇醫生,然後claim返80%醫生錢。Of Course,如果發燒既,我就一定會睇啦,好似上次咁。

今朝早起身聲沙，成把聲變晒，我就知道我又中招，雖然把聲慢慢好ｄ，但係成日係到流鼻水，打＂乞癡"，吞口水又痛，喉嚨又疼，好痛苦呀，我今日狂包雲吞呀。

我今日成日都猶疑緊去唔去睇醫生,因為我真係唔係好想睇醫生食藥,我覺得可以自然好,但係禮拜五就去日本la,我又唔想帶住個病樣去玩呀,冇計啦,放工唯有早d走去睇醫生la。

醫生話我喉嚨發炎，右面發炎得勁d，左邊就冇咁勁，佢話呢排天氣轉，所以好易病

九型人格測試:
http://www.bt4u.com/calls/analysis/enneagram_start.jsp

第 二 型 ： 助 人 型 (Helper)

顧 名 思 義 ， 你 很 喜 歡 幫 人 ， 而 且 主 動 ， 慷 慨 大 方 ！ 雖 然 你 對 別 人 的 需 要 很 敏 銳 ， 但 卻 很 多 時 忽 略 了 自 己 的 需 要 。 在 你 來 說 ， 滿 足 別 人 的 需 要 比 滿 足 自 己 的 需 要 更 重 要 ， 所 以 你 很 少 向 人 提 出 請 求 。 這 樣 說 來 ， 你 的 自 我 並 不 強 ， 很 多 時 要 靠 幫 助 別 人 去 肯 定 自 己 。

第 三 型 ： 成 就 型 (Achiever)

你 精 力 充 沛 ， 總 是 動 力 過 人 ， 因 為 你 有 很 強 的 爭 勝 慾 望 ！ 你 喜 歡 接 受 挑 戰 ， 會 把 你 自 己 的 價 值 與 成 就 連 成 一 線 。 成 就 型 的 你 會 全 心 全 意 去 追 求 一 個 目 標 ， 因 為 你 相 信 「 天 下 沒 有 不 可 能 的 事 」 。 動 力 十 足 的 你 ， 最 好 做 leader帶 領 其 他 人 啦 ！

第 五 型 ： 理 智 型 (Thinker)

你 是 個 很 冷 靜 的 人 ， 總 想 跟 身 邊 的 人 和 事 保 持 一 段 距 離 ， 也 不 會 讓 情 緒 。 很 多 時 ， 你 都 會 先 做 旁 觀 者 ， 後 才 可 投 入 參 與 。 另 外 ， 你 也 需 要 充 分 的 私 人 空 間 和 高 度 的 私 隱 ， 否 則 你 會 覺 得 很 焦 慮 ， 不 安 定 ！ 你 也 很 有 機 會 成 為 專 家 ， 例 如 電 腦 啦 ， 漫 畫 啦 ， 時 裝 啦 ， 因 為 你 對 知 識 是 非 常 熱 愛 的 ！

第 七 型 ： 活 躍 型 (Adventurer)

活 躍 型 的 你 ， 就 是 如 此 這 般 ： 樂 觀 、 精 力 充 沛 、 迷 人 、 好 動 、 貪 新 鮮 、 五 時 花 六 時 變 … … 「 最 緊 要 玩 得 開 心 」 就 是 你 的 生 活 哲 學 ！ 你 們 很 需 要 生 活 有 新 鮮 感 ， 所 以 很 不 喜 歡 被 束 縛 、 被 控 制 。 你 的 活 力 是 玩 的 活 力 ， 又 跟 第 三 型 的 成 就 型 又 有 所 不 同 ， 相 信 你 們 是 活 動 攪 手 ， 玩 極 唔 厭 ！

第 九 型 ： 和 平 型 (Peacemaker)

在 很 多 情 況 ， 你 們 都 是 和 平 使 者 ， 善 解 人 意 ， 隨 和 。 你 們 很 容 易 了 解 別 人 ， 卻 不 是 太 清 楚 自 己 想 要 什 麼 ， 會 顯 得 優 柔 寡 斷 。 相 對 地 說 ， 你 們 的 主 見 會 比 較 少 ， 寧 願 配 合 其 他 人 的 安 排 ， 做 一 個 很 好 的 支 持 者 ， 所 以 你 是 心 較 被 動 的 。

我仍然係我,同差唔多年幾前做的結果一樣,都係ESTP,不過今次我更加P了
http://kllc5.xddddd.com/mbti/result.php?token=bcbaa61d4d4fc2502a588b4474298ab3

你的分類是 ESTP
最配合的性格組合：ISFJ
最不配合的性格組合：ENFP
- 外向型: 57.5%
- 辨識型: 62.5%
- 理智型: 60%
- 熟思型: 57.5%


>>> 基本分析 >>>
ESTP - 事物間的現實適應者
友善、活躍，惹人喜愛、易表達同感
不掛慮，不自私
行為難以預料，易衝動
善用環境資源
不喜歡做長期性的工作
行為對象多數是人
評估人的動機很準確
善觀察非語言的線索

今日唔知做乜事

我突然好想睇返怪醫泰博士同小飛俠,唔知信和仲有無呢

我仲有熱鬥小馬都好想睇GA

今日禮拜六,好唔想返工,好唔想聽電話,但係都聽左好多

放左工,心情依然唔係咁好,一個人去了元氣食sushi,見到琳瑯滿目的sushi,心情好左少許

見心情依然低落,又成個幾月冇去disney,就把心一璜去disneyland探d卡通人物
入到去已經係巡遊時間lu,聽到d音樂個人即刻開心番,鬆返晒,見到d勁攪笑既卡通人物,同佢地影左d相,玩左幾樣野,壞心情都隨之而去

我想去玩,我想去行山,我想去戶外,我想去休息,我想去旅行,我要做gym,我想打波,我要relax

我跑了４屆，我今屆終於都有我第一張渣打的相片拍到啦，不過好ugly下

明明前一兩日,睇天氣報告都係話得15-18度,點解今日起身會得11度,想凍死人咩

d天氣真係反常,3月先黎今年最凍個日

攪到我好慌忙咁找番d厚衫出黎著,煩煩煩

大家唔好misunderstand呢個subj

其實只不過係因為公司個舊師傅今日last day,呢個師傅乜都慢半拍,所以今日老細叫佢油油修補返d地方,大家都知d油漆有幾臭la,所以公司個個同事都要帶口罩呀,癈事吸入大量有害野入身體裏面

不過帶完返到屋企都仲有幾下咳呀,唔知係咪因為d油呢

今日同同事去了金太郎食，平時多數叫午餐，今日想食sushi，所以食左個sushi大胃王餐，只要食夠5碟或以上sushi或者前菜，就可以半價，不過呢個大胃王係唔可以同折扣卡呢個優惠同用既。

話說我地入座時有3個人，金太郎既職員係張單到寫3個人，咁當然冇問題啦，平時佢地會問埋有没有折扣卡，睇下會選什麼優惠使用，我同事就出示左張折扣卡，咁佢地既職員寫番係張單到，跟住我就係迴轉帶到先後取了5碟sushi,1碟前菜食la。好，跟住有個職員幫我地清碟，佢不發一言咁寫了”6”係張單到，我地初初都唔覺有什麼問題，但是在埋單時就發現到個問題，。

埋單時，我當然係付6碟sushi半價後的價錢，即$30+茶錢$1,我都知道唔可以同折扣卡同用，所以付了$31。但結帳時，收銀個女仔竟然收了我$61，她說因為我地有折扣卡，所以全單85折，不能享用大胃王餐的優惠，但係佢地竟然連85折個優惠都没有，由於有其他人埋單，佢地迫我地結清左先。

跟住我們便同個部長理論，佢聲稱個大胃王不能與折扣卡優惠同用，好，呢個我地明白，我地要求佢分單，佢竟然話已經清了數，所以不能當我個6碟sushi係另外一張新單，佢地堅稱做唔到話分單，錢又迫我地俾，入單，宣傳紙，埋單，没有一樣野係有人提及過食大胃王係要數碟/落單前揚聲。

我地跟住要見經理，個經理超級唔掂，sor下sor下，都唔醒目，我地同佢反映左，佢都係講返之前部長個d野，佢冇之前個部長咁醒，仲起度堅持己見，唔知道我地係投訴佢冇任何指示，職員亦都冇同我地提及，就咁迫我地俾正價，佢仲唔肯俾番$30差價俾我地，佢話要問過寫字樓，跟住我地叫佢宜家打，佢話寫字樓現在食午飯中，所以冇人會聽電話，我地質問佢係咪要我地等到食飯後，佢竟然答係，好明顯係到耍我地。佢叫我地留低聯絡電話，佢話會覆我地，你都sor既，俾你過左海，仲唔快活過神仙，我點知你寫字樓要為左我地個$30處理幾耐ga,我地問佢攞佢寫字樓電話，佢找左好耐先俾到我地，都唔知係咪真既。我地越黎越大聲，好多食客都有留意，望住晒。

跟住個部長再度出現，佢應該同佢d職員了解過，又見我地鬧得咁火，便同我地道歉係因為佢d職員係新人，所以乜都唔識，冇留意到，亦都冇向我地提及要分單/請早揚聲，跟住佢問個差額幾錢，佢話佢負責陪，跟住我地仍然一肚氣，不過見有錢取才肯走。

如果佢有人同我地咁講/寫明，我地俾番個正價係冇問題，但係冇人同我地講，我地3個人入去，2個叫了餐，１個拿了咁多碟sushi，你問都唔問係咪食大胃王，就收人正價，又唔識變通，經理態度又差劣，我相信我地以後唔會再去。

尋日跑完渣打，尋日都好地地

訓完一覺，就知"拿"野，成對腳唔係自己的，勁痺，要超慢動作，成個鐵甲人

好後悔唔記得請假

打電話俾阿聰，同queenie 3人會議講番大家尋日既賽事，阿聰好勁呀，完成左半馬，仲要係２個幾鐘就完成，queenie就好慘呀，趕唔切第一組10km而被disqualify，只能參與係第二組10km的比賽,又冇得計時,勁無奈。

尋晚1點訓，今朝0345被電話鬧鐘嘈醒左，跟住整熄佢，再訓到0430，知道真係要起身之下，唯有起身梳洗換衫，整左個美極薯蓉黎食，食完即刻精神晒，跟住就出門口

由於我比賽之前剛剛病左成6日，又冇操過，身體仲係軟軟的，根本提不起勁去跑，所以我今年都不寄予厚望。我既目標只不過係完成比賽，可以快過上年當然好，但係我都知難度係比較高。我仲要記錯開跑時間，好彩我早左到達起點線人群堆中準備，如果唔係haha，我當時仲以為做乜佢早左2-3分鐘開始既，直至跑完，我先知這美麗的誤會。

今年係我比賽4年中，我覺得最迫的一次，往往開始時我是可以濶步跑的，但是今年既人就好似年宵咁，個個癡住癡住，大家只能慢慢緩步跑，由開始既彌敦道，到西隧入面都係咁，西隧又多人，又焗，出了西隧去西環個段斜路都係，見到d密密既人流，打消晒我想大步跑既衝動，又要好辛苦攝位緩步跑，所以好多時我都係側邊大步行就算，天呀!!!
單單是去西隧條路，我就比往年迫多了10分鐘，呢10分鐘，正好是我比往年慢了的時間呢

今年既氣溫係咁多年裏面最熱最濕，熱了不打緊，最慘的是有成95%的濕度，我未入西隧已經成個"汗人",成個人濕晒，件衫癡住條褲，條褲又癡住對腳，成件衫可以渣到d汗水出黎，d汗又揮霍唔到，我又冇帶毛巾，隔左成個幾鐘，返到屋企件衫都仲係濕GA。咁既天氣真係唔係咁好，都係2月跑好D,至少個濕度會冇咁高，跑時會爽快D，唔駛癡住癡住。

不過有樣野要賺既，就係今年0550就開始，天未光，空氣清新D，仲要過到HK個邊都冇咁多車，唔駛硬食咁多癈氣，再加上佢今年加左個入西隧前既水站俾10KM運動員，以往呢個只開放俾半馬同全馬D運動員JAR。

我真係好想參與

緃然今年可能真係力有不逮，我都要TRY MY BEST去完成

不過我唔會亂黎，如果我覺得身體唔得，我會慢行，我唔會俾自己出事的