熊貓仔俱樂部

今日30/9,尖咀有2間大型的Shop開幕,一間是有日本Giordano之稱的UNIQLO,另一間是SOGO,以後放工行街又多了選擇了。

UNIQLO開係美麗華(前千色店選址),咁近我公司,放工咪唸住去逛下LOR,我6點幾放工,去到美麗華商場即俾條人龍嚇親,人龍見首不見尾,條龍尾排到出街,真誇張,不過我都照排,排了15-20分鐘就終放入到了。

這間Shop都幾大,賣既野都幾日本同無印FEEL,絕大部份都係D BASIC野,D質地摸上手比HK GIORDANO好,佢有個位係特價區,D野真係幾抵,不過我去到既時候已經係成個亂葬缸,我亦都冇乜心機去尋寶,不過我係特價區到都買左件黑色長袖摺領簿衫襯衫用,盛惠$29。另外,宜家D牛仔褲特價$200一條,都幾抵同幾多款,可以去睇下試下,我都買左1條。我仲買了1件灰色有帽ZIP UP衞衣,呢樣野我想買好耐,所以見到有咪買左佢LOR,呢件衞衣冇特價,盛惠$199。我件衞衣竟然要著男裝中碼,仲要係個膊位係啱,隻袖又夠長個下先攞命,我有試過女裝,但係個D吊袖AH,我隻手都唔係好長啫。

好啦,買完野要俾錢,條人龍真恐佈,我要排左成45-60MIN先俾到錢,俾錢條人龍打左2個大蛇餅呀,大家都1藍2藍,D野好似唔駛錢咁,駛唔駛呀。

今日放工要過葵芳復興教會到有個聚會

好耐冇試過搭咁多個站既荃灣線地鐡,真係覺得好遠同搭左好耐咁。個時係荃灣返工都唔覺既,但係宜家返尖沙咀真係行都返到公司,所以都係覺得好遠。

今朝早有個同事話俾我知同我好fd個同事走,真係有d唔開心

我都知佢辛苦,佢遞信既原因都係可以理解,所以我理性上係接受到,但係感情上我真係有d唔拾得

夜晚報了2006年渣打馬拉松既10公里賽事,睇黎又要操返了,我今年既目標係於1小時05分完成,大家有冇興趣一齊報,網址係http://www.hkmarathon.com, 希望到時見到大家

今朝一返到公司就有個法團既人打電話黎追注我,攪到我成朝都超級唔得閒,仲要同管理部既同事開會,一朝早邊有咁多時間呀。

由於成朝都忙到死下死下,都冇為意話咁快就到1點,時見個天仲落緊雨,所以唸住叫外賣,但係因為個時已經成1點,叫得外賣黎起碼要點半先有得食,真係唯時以晚,所以唯有落街買外賣返公司食la。就係我買完外賣行番公司既途中,我就撞到同學仔vivian lo,真係邪邪邪邪。

今日朝早仲係三號風球,仲要係超級橫風橫雨個隻,落街個陣仲係細雨,所以只係帶了把縮骨遮,但係一落到街就知出事啦。

今日我比平時番崇拜早了半小時出門口,因為我應承左個教會朋友係太空館到買天象館d飛,但係我尋日唔記得左,所以唯有今朝補飛la,點知"貴人出門招風雨",係我屋企行去太空館既路途中,我把縮骨遮反了十幾次,成個頭,衫褲鞋襪都濕晒,真係超級恐佈。

點知返完崇拜就已經冇雨了,我仲去了旺角行一陣。我終於買到1個唔貴既返工袋,價值$99,買了2本漫畫(HunterXHunter,名偵探柯南),同埋終於破戒,抽了1個怪誔城之夜既電筒扭蛋

今日雖然係禮拜六,但係因為夜晚我要去其中一個法團既業主大會暨中秋聯歡晚會到報告財政,所以今晚要開工呀,返唔到小組。

中午放左工番左屋企唸住抖一陣同換衫,點知因為時間太短,所以都冇乜點抖到,跟住又要換番D番工衫LU,真慘。係我番公司匯合埋其他同事一齊去酒樓既途中,我又係佐敦到撞到EDITH同佢男朋友陳文LA,我地真係有緣,我仲拎住EDITH隻手掹係度玩TIM,即刻為我這個返工OT之旅平添幾分歡樂。

好啦,返到公司匯合埋其他同事一齊call車入屯門間酒樓(個屋苑係屯門),到左之後就要去買香槟,餅,糖呀,仲要去買抽奬禮物tim,我同一個同事連埋個管理個屋苑管理員既區長一齊去買野,但係我同我個同事都覺得我地同個區長溝通唔到,我地有x個代溝ma,但都冇計la。

今次係我第一次跟同事去業主大會到報告財政,我第一次見識到d法團通常都會有d麻煩人,仲會乜野都投訴,係冇pt同冇sense個隻,為針對而針對,我成晚就坐係個圍有2個有問題法團委員張抬到,佢地講d野非常有骨,成餐飯冇啖好食,我真係覺得d同事辛苦,成日要同d咁既發癲人開會。餐飯10點幾食完,但係女闆娘仲要玩即時檢討,真攞命,檢討到11點幾先走。我跟住搭所謂亡命小巴,但係因為架車唔full,所以佢開得好慢,不停係到等客,一d都唔亡命,我返到屋企都成12點幾。

祝elaine生日快樂,日日都開開心心,一年靚過一年,青春常著。

尋日去完ivan屋企通頂,一早就去了佢屋企附近飲早茶,我地不單止係全場最大張枱,亦都係全場中年紀最年輕既,亦都係留係間酒樓入面時間最短既一枱人。呢餐可能大家都歸心似箭,所以大家朝早都冇咩胃口,同平時食dinner既大食形象差好遠。

我地個個食飽左之後就各自各搭上歸家之路,但係因為前日我同judy買了今朝早場既飛,所以我唔可以番屋企住,要去奧海城匯合judy一齊睇摯愛1035早場。

雖然我尋晚通左頂,但係我都冇哈眼訓,套摯愛都ok,但係我覺得早熟好睇d,亦都多d meaning。

睇完戲我就去了實惠唸住買d A4櫃,點知又睇唔啱,跟住我係行返佐敦ga,仲要去左吉之島$10店買野,買埋m記番屋企已經成3點了,食完m記新出既餐,我真係頂唔順la,我要訓覺,時間係1540。

今日係中秋節正日,係度要祝大家中秋節快樂,係呢個中秋佳節人月兩團圓。

今日係行程非常忙碌
首先係朝早要返教會崇拜,跟住同弟兄娣妹食午飯,跟住返番教會有個異端講座,聽到4點鐘,跟住就飛去旺角中心到搭小巴去土瓜灣上ivan屋企玩,玩到6點左右,就離開ivan屋企去我個mama屋企做節,食完飯10點鐘左右又去過ivan屋企玩通頂。自己都覺得自己真係忙。

我地今次去ivan屋企玩係同以往有d分別,因為我地好多人都要屋企做節,所以要係中途離開,我地又覺得得個半場唔夠玩,所以我地好多人做完節都番番去ivan屋企玩。我地上半場用了uno機玩uno,大家都玩到好興高采列,玩到咁上下就走,跟住下半場就玩了衞生mahjong(我"鄧腳"玩了1舖),唱k,打機,睇戲,而屋主就好忙碌咁招呼我地,真係辛苦晒ivan同tammy。

我地仲知道左ivan終於都同tammy拉埋天窗la,恭喜恭喜。
佢話會18/12註冊結婚,唔會擺酒,但係都會一齊食下飯既,真係要慳d駛先得,save錢做人情。

今日無意間知了d唔應該知既野,仲要盼唔知tim,真係.......辛苦。

今日放工約了judy同elaine去sheraton食tea buffet賀elaine既牛一

由於tea buffet要3點先開始,所以我地就係tst到行了陣,壽星女今日仲大破慳囊,買了好多野添。我地shopping完就過去sheraton,宜家tst d交通安排真係冇以前咁好,明明睇落好近既地方,都要過n條隧道先到,真麻煩,都係以前方便d。

好啦,夠鐘la,我地終於可以食tea buffet,由於我未食午餐既關係,所以我今餐既食力係好強勁,佢d款都算幾多,仲有smoothies/賓治任要,d飽又好味,d甜品都ok,不過唔夠多款甜品lor。

食完飽飽就各自各精采,我因為跟住要番教會小組,所以同judy一齊搭車,我地仲去左esprit outlet先,講真judy唔帶我去,我都真係唔知個度有outlet呀,我就冇買野,judy就買了d化粧品,同埋衫。買完就搭車返大角咀,我地原本唸住禮拜一睇個套bewitched魔法嬌妻,但係佢禮拜一竟然冇早場喎,咁我地咪轉目標,改睇摯愛,因為聽講都ok ma。

買完飛我就返教會,wa,原來學校仲有d工程做緊,所以我地開組唯有用後備電既唯一既電燈,真係超級浪漫呀。

HK Disneyland公益日全日有接近三萬人入場,對於面積比較細既hk disneyland來說,應付這批人真係有點兒吃力。我

好多遊人都批評園內排隊時間過長,我對呢點有所保留,覺得可能同港人一般既價值觀有關。
因為排咁耐隊玩遊戲是正常的,只要大家守秩序,這個根本不是一個問題,因為即使其他外國開了很久既主題公園公園都係咁,只不過香港disneyland細,變左去到邊你都會見到排隊玩既人龍。
另外,在香港呢個資產社會,好多野都講回報,香港人生活節奏快,做什麼事也要高效率,所以可能他們會不習慣排咁耐隊只是玩個幾分鐘遊戲,他們會覺得付出同回報不太相稱,會覺得排咁耐隊浪費時間。
但另一方面,香港人個個怕蝕抵,你看香港人擁有全球disneyland最長人均留園時間就可知一二,他們希望係短時間內玩晒園內所有設施,變左為了物超所值,就會想係最短時間玩晒咁多樣野,要玩就要排,排得耐,再加上天公不造美,變了令排隊的人難以適應,時晴時雨,就變成了當天數之不盡的埋怨。

另外,有d人埋怨機動遊戲機械固障,其實外國的也會是這樣,當然對於排緊隊的可能會不甘心,你鼓譟但是也没有法子,你鼓譟投訴也解決不了問題,為何不靜待一下,問問工作人員會不會於短期間恢復還好呢,看看繼續等待還是及早排其他遊戲更好呢。

估唔到,短短一日,我已經可以睇到香港人咁多文化既體現。

HK Disneyland雖然是全世界最細的1個Disneyland,但是也千萬不要看少它,以為可以好快玩晒,行晒。在地少人多的HK Disneyland裡,你想在有限時間裏玩多幾樣遊戲/睇多幾場shows就一定要做足準備,廣告都有講啦"去廸士尼做足準備"

由於fastpass是有時間性,所以建議攞fastpass要有智慧地攞,某些有fastpass攞的節目因可同時容納大量人群,所以攞了fastpass同你walk-in排差唔多,呢d fastpass不太建議取。建議一入園後先攞明日世界的飛越太空山(space mountain)or巴斯光年個game既fastpass先,自己就去排另外没有拿fastpass的game,因為這2個game受歡迎,往往要排很久。還有要拿小熊維尼歷險記的fastpass,因為這個game也是很受歡迎的,而且往往會好快派晒fastpass。聽說森林河流之旅亦都好正,大家也可取這個fastpass

必睇show,game:米奇金奬音樂劇,米奇幻想曲,獅子王慶典,巡遊,煙花,space mountain,巴斯光年,小熊維尼歷險記,森林河流之旅(值回票價)
大家要預留時間睇巡遊呀,不要好似我掛住玩其他節目而miss了。
睇煙花要早d霸個好位,最好是睡公主城堡前空地or美國小鎮大街(方便睇完煙花即衝入shop最後衝刺),睇煙花最好拍movie,更易捕捉。

記住做足防晒/防雨措施,帶帽,遮,扇....

園內有得簽visa,master好似冇,得銀通渣打櫃員機,建議先於園外咁定錢入去。

Mickey,Minnie等卡通人物會於夢想花園同美國小鎮大街出現,大家記得la。

尋日返到屋企11點幾,然後放低所有野,洗頭沖涼,跟住等個頭乾,順便係等吹乾既途中過埋d相落電腦到,真係超攰,到2點幾3點先sleep。

今朝差d唔知醒,整日睡眼惺忪,唔係好唸到同做到野。

今朝一起身懷著興奮的心情期待著今日廸士尼奇幻之旅既開始,不過見到個天落著雨,即刻好似俾人撥了盤冷水。Anyway,希望今日既旅程唔好點落雨啦。

地鐵迪士尼線0830
我今日約左Cathy 0830係欣澳站等,因為大家都冇去過欣澳站,所以都唔知有乜野可以等,今次我好叻呀,好準時冇遲到,去到欣澳站,好彩發現個月台唔係好長的,所以決定左係中間非常顯眼個2塊指示牌到等,係等佢個時,當然要同個站影相啦。

目標人物終於出現,我地等了3-4分鐘的disney mtr,跟住上到車,當然又要狂影la。disney線既列車窗,有好多米奇頭ga,d手挽全部都係米奇老鼠頭黎ga,I like it,仲有有好多disney的公仔擺設tim,如果架列車更加colourful就更加好la。搭了幾分鐘既廸士尼線,終於到廸士尼站啦,個站幾歐陸feel,仲要係好多裝飾都有廸士尼特色。

出站la,係廸士尼站既不遠處你會見到有個歡迎光臨香港廸士尼樂園度假區既牌,就好似日本既環球片球咁,但係其實我地仲未真正踏足Disneyland ga,因為呢個地方仲係唔駛飛都去得既地方,係個牌既不遠處,你會見到有個好靚既噴泉,個噴泉有好卡通人物係度ga,米奇老鼠仲會因應d噴泉既水力升高升低tim,係全球獨有ga,呢個絕對係影相位。

好la,影飽相,我地就等入場。Disneyland既offical開門時間係10點鐘,但係我家姐就話聽人講9點幾入得,我地知道今日公益日實多人,咁咪寧願早d到早d等開門好過10點先到lor,我地係大門外排隊等到0920左右,樂園大門終於開la,但係其實只係樂園見多人,俾我地早d入去jar,所有既樂園設施都未開ga。好多人可能同我地一樣睇了雜誌既攻略,大家都一窩峰湧去明日世界到,但係由於所有設施都未開,一大班人就係明日世界區外聚集,等待10點鐘既來臨。就係大家等緊既期間,天公開始不造美,個天開始落雨,大家咪唯有擔晒遮避雨lor,頓時間變成了遮海,但係由於d人企得太密,d雨又大,所以有遮都會俾其他人既遮滴下來既水弄濕ga。

終於都到10點la,仍然落住雨,明日世界外的人群都分別擔著遮,衝向他們心儀的遊戲排隊/攞fastpass。我同Cathy就先去巴斯光年星際歷險攞fastpass,我地張fastpass既時間係1040-1140,跟住就去了玩space mountain,排了5分鐘到就到我地,真係快。個space mountain好玩,d彎幾激,個過山車絕對地係好玩同刺激過日本個space mountain,d音響都好正,但係就冇日本個space mountain咁靚,入面仲好涼tim,在短短幾分鐘內將原本有d濕既我們都吹乾了。玩完10點半,個天仍然落著雨,但已細了很多,未夠鐘去玩巴斯光年,又唔可以拎下張pass,咁咪唯有去第二度睇下有乜玩先lor。

我地跟住就去到幻想世界,睇下有乜野可以俾我地唔駛點排隊,攝時間玩左佢,就係我地路過之際,我地見到有d卡通人物係個幾個涼亭同d遊客影相,於是我地就一支箭咁衝入去,原來呢個叫夢想花園,會有好多卡通人物一齊影相既,雖然時間係早,但係有唔少人係幾個卡通人物個涼亭到影相ga。我地既第一個目標就當然係我最favourite既米奇la,我除左同米奇握手外,仲同米奇來了個擁抱,我發覺我見到d卡通人物即刻升watt,所有排隊落雨既疲倦一掃而空。同完米奇影相,原本我同Cathy一齊去同WINNIE THE POOH同TIGGER影相,但係因為佢地要去飲水,所以我地2個就各散東西,我就同Donald Duck影相,Cathy就同Minnie影相,隻Donald Duck好攪笑ga,行既時候bell下bell下,勁抵死。我影完donald duck後就去左同花木蘭條木須龍影相,條木須好攪笑ga,因為佢相對其他卡通人物冇咁家傳戶曉,所以亦都冇咁受歡迎,佢好挑皮ga,佢成日都同donald duck搶生意,叫排緊donald duck既人過擋,當然都有d人真係過檔la,haha。影完相我就先去排winnie the pooh同tigger,Cathy影完佢隻minnie就一齊排,其實呢個時候己經1125 la,但係我地覺得都應該排到既,所以冇放棄同佢地影相,走左去玩巴斯光年。1140,仲有1個就到我地,我地當然照排la,跳跳虎真係好可愛,跳跳紥紥,佢見到我著住佢件衫,仲指住我件衫tim,又指住佢自己,haha,勁抵死。影完相已經1145,我地亦都正式宣佈唯有放棄巴斯光年張fastpass。我地離開既時候見到夢想花園己經要實施控制人流措施,分段先俾園外排隊既人入去d涼亭同d卡通人物排隊玩,我地心唸,好彩我地早發現啫。

影完相,又過了時間玩巴斯光年,咁我地就去了另一個勁受歡迎既小熊維尼歷險記攞fastpass,大家不要以為攞fastpass唔駛排隊呀,攞fastpass都要排成5-10min先攞到ga,唔係點你呀。就係我地排隊攞fastpass時,我地聽到個小熊維尼歷險記有廣播話機件有d故障,要暫時停頓,而排緊walk in既人龍就開始有點鼓操,我即刻同Cathy講個時我去日本都係咁la,個時條龍仲恐怖,仲多人,人地日本人都唔知幾守秩序,人地都冇鼓操,照樣安靜地排隊都會,點解hk人唔可以,排係我地前面個人聽到我咁講就望一望我。

攞完fastpass,around 12點,我地又係唔知做乜好,又未肚餓,又未夠鐘睇巡遊,見到有人入個米奇金奬音樂劇,雖然離下場時間仲有半小時,咁咪照入可也,之前我聽人講都知呢個show好正的,排了30分鐘,終於入場la,佢係好大個冷氣劇場,可以一次過容納好多觀眾,由於我地早排,所以都坐得幾前。個show好正ga,有好多卡通人物著著好多好靚既衫載歌載舞,仲有回味好多過往Disney不同動畫既片段同主角出場,泰山表演非常精采,d歌好正好好聽,期間仲會有泡泡tim。絕對係必看節目之一,再加上劇場容納人數多,相對地不要排太耐已經有接近30min既表演睇,呢個我覺得值回票價。

我地睇完個show,行番出黎已經點幾了,花車巡遊已經開始了,我地只可以趕得切睇到最後個3架車jar,真係有d失望,如果由頭睇到落尾就正lu,唯有等下場la。睇巡遊個時雖然冇落雨,但係個天好黑,好似就黎落大雨咁,我地睇完巡遊咪"渣渣林"係未落雨之前係睡公主城堡到"係咁依"影了幾張相就算數,跟住我地就去番明日世界補番因為朝早落雨所以冇影既相,eg同火箭餐廳,巴斯光年遊戲外既logo,明日世界入場處,...順便影完相排番巴斯光年個GAME。就係我地啱啱影完巴斯光年後,突然之間落傾盤大雨,完全冇時間攞遮。我係呢個時候唯有一邊保護住部數碼相機,一邊跑去巴斯光年條龍尾到,收回相機,攞番把遮出黎擔,真係超級狼狽。其實係呢個時候,巴斯光年個GAME係話如果WALK-IN要排120分鐘GA,攞FASTPASS玩既時間會係放煙花個時,不過我地真係好想玩,又不想錯過煙花,所以冇再攞佢既FASTPASS,就咁排WALK-IN。此時已經點幾差不多兩點了,我掛住玩,所以都唔係覺得好肚餓,咁Cathy因為肚餓,又見要排咁耐,所以就去了買野食先。我就一路擔住遮排住隊,我排緊隊時雨越下越大,簡直係倒水咁,就咁唔郁擔住遮都會濕,把遮又有"燶",一大雨就滴水落我個頭到,真係有遮如無遮,d頭髮濕晒,好似洗完頭咁,我唯有拎件有帽風褸出黎la,因為咁樣落去都唔係辦法。而CATHY呢,佢係火箭餐廳到買了2份叉燒漢堡餐外賣(叉燒漢堡+薯條/白飯$35),另外買了1支橙汁同西瓜汁(@$15),而總綵排期間所有膳食同餐飲都有７折，所以這頓午餐盛惠$35,價錢絕對合理。我地一D都唔浪費時間,一邊排隊一邊食,好彩Cathy買完外賣時D雨己經細番好多,同埋我地開始排到有瓦遮頭既地方。可能我地肚餓la,所以好快就食完個餐lu。我地最後係巴斯光年排了差不多60min已經玩得la,絕對冇門外話要排120min咁誇。我地入到去,坐了個架可以360度自轉既車到,跟住條路軌行。呢個game係要坐住係架車到用車上激光槍射向敵人身上既"z"裨就會有分,當然射到索克天王就係最多分LA。我初初都唔知點對準目標,後尾當我發現時已經遲了,我個FD己經有幾萬分,我先得幾千分,但係點知我最後因為射中索克天王,即刻多左成20萬分,反超前成為第四級既行星機師。HAHA,而CATHY就係第三級既一級戰士。玩完我覺得個GAME幾好玩,入面好靚,不過玩得個幾分鐘,又要排咁耐,如果可以再玩一次就好。

玩完我地就去左米奇幻想曲到排隊,呢個3D立體影院排隊同Fastpass既時間差不多,所以我地又排了隊,排了45min就到la,呢個米奇幻想曲都係好似米奇金奬音樂劇咁係個大型影院到,絕對大過香港d迷你戲院,呢個3d米奇幻想曲都好正,其實唔止係3d,而係4d,因為不單止d發會好立體咁飛出黎,又會有d食物香味,又會真係有水噴出黎,總之又係正la。呢個3d Show由於個劇場大,可以一次過容納好多人,所以其實你都唔駛排好耐隊都可以玩,唔駛攞fastpass都ok的,呢個又係必睇show之一。

睇完show又過了巡遊時間,我地都係同巡遊冇緣。我地睇完見到高飛同pluto係對面同d排隊既遊人影相,即刻排埋一份,我地排左20-30min到la,佢地2個都好得意,好cutie,我真係越黎越鍾意佢地la。係我地排緊隊期間,我地為了把握時間,唸住我去獅子王慶典到攞fastpass,點知,fastpass已經派晒,真誇張,咁算啦,影完相再去過。同佢地2個影完相之後就咪我daddy同mummy急call,佢話佢地好攰,問我起邊,想我同佢2老影相跟住就走了。咁我同我個fd唯有放棄獅子王,去番入口美國小鎮大街到find番佢地,然後再係d影點到影下相,跟住就送佢2老走la,佢地原本都想等多2-3個鐘睇煙花ga,但係今日變幻無常既天氣,同埋周圍既人山人海令佢地都好攰,唔好話佢呀,我地排咁多隊,企咁耐,我地都攰la,再加上唔係個個遊戲都啱佢地玩,佢地又唔想排,所以今日實在係太折騰兩老la,佢地要返屋企抖抖。

送完佢地走,我地繼續去番我地既獅子王,獅子王都係一個大劇場,可以容納好多人ga,呢個show都係好正,especially d歌,仲有d舞,真係好正。不過呢個節目既主要個語言係英文,間中有1-2句既廣東話旁白，所以有d人如果冇睇過套戲,而d英文又唔係咁好,可能唔知佢其實講緊d乜野ga,不過佢精采既歌舞同氣勢都係令到個show值回票價既。

睇完獅子王,終於到我地玩小熊維尼歷險記既時間la,好彩我地呢個game有攞fastpass,絕對係明智既決定,因為攞fastpass真係5min就入得場la,walk-in就起碼排1個鐘,抵抵抵抵。其實呢個己經係日本玩過一次,感覺上差不多,但係好似日本個條路長d咁解。

好la,終於玩晒我地既目標,係時候shopping買野la,d野都唔係好貴,價錢合理(以主題公園紀念品來說),但係d設計就好似冇日本disneyland咁靚同吸引,不過我地都買左好多野。

8點幾la,我地衝衝忙忙咁係個festival of food既foodcourt到食飯,我食左個豬頸肉飯餐,原價$40,折左之後$28,又係合理一餐,個餐包中湯,一碟飯,同1杯茶,都ok既。不過其實我想叫有d野己經賣晒,選擇都唔多。

食完我地就趕去睡公主城堡前等放煙花,呢個時候已經好多人。廸士尼放煙花同係維港放煙花有d唔同,因為你會清楚聽到d音樂,原來有埋d音樂一齊係正好多,d煙花款式都ok,成個煙花放左十幾廿分鐘到,我仲拍了好多movie tim,yeah。

睇完煙花大家就紛紛魚貫咁進駐美國小鎮大街既各商店,迫得水洩不通,d野好似唔駛錢咁,商店職員超級繁忙。最後我地都買了一袋二袋返屋企。我地走個時係10點幾,樂園正式關門時間係10點,你就可以知道我地有幾樂而忘返。

最後我地帶住疲倦既身軀離開廸士尼樂園。