星期日, 9月 30, 2007

 

大風大浪下的BBQ

不經不覺,有2個月冇寫blog,荒癈左呢度成2個月,我記得幾多就補寫幾多啦

今天絕對是一個忙碌的日子
昨晚返到屋企都11點幾12點,執vcd執到今早4點鐘
今天8點幾9點起身番崇拜,訓左4個幾鐘,崇拜時還支持得住
崇拜完左食飯同上葛福林佈道大會陪談員班,太攰,上堂訓著左,半夢半醒上完一堂,跟住就趕住入赤柱bbq

係銅鑼灣搭van入赤柱,點知落錯車,去左聖士提反學校同懲教署個邊,唯有行番過赤柱正灘個邊
唔知係咪近海,勁大風,好似打緊3號風球咁,吹到阿媽都唔認得
行到最入,終於見到佢地la,原來大家個個都落錯車,真搞笑

見到好耐冇見既michael,上次見應該係ivan結婚個時,都成2年lu,update了大家既近況,傾得都幾開心
一路燒一路吹風,個天開始慢慢黑晒,睇唔到d野食燒成點,最後我地租左盞火水燈,租盞燈都唔平,要成$100,呢盤生意絕對有得做,個asset係幾盞火水燈,同consumable火水,再加一個阿伯,d燒完野食既人都會還番盞燈,可以講係小本/無本生利,大家有興趣,可以唸下。

原本一路燒一路吹風應該幾寫意同舒服,不過實在太大風,連火水燈都被d風吹熄埋,個頭仲吹到有d頭痛tim
wai出去加火水時被漲潮,大浪整濕晒褲腳tim,勁terrible,今日真係好似打風

到我地走既時候,仍然係風高浪急,我地都貼住石邊行,因為d浪真係幾大,仲整濕埋條路,有d路仲有水灘子,近海的幾個燒烤爐都被打上岸的浪同海水整濕晒,原本擠滿人的燒烤爐都被大浪打退堂鼓,講真個句,仲點燒呀,一隻人影都没有,同6點幾完全係2回事,大家為免整濕都步步為營,但係最後我有1隻腳都失守左,haha

原本大家都唸住有下一場,但係多數人明天都有節目,所以打消左食糖水/宵夜/飲野既念頭

星期六, 9月 29, 2007

 

大學同學gathering

每日活在忙碌的工作中,真係有D令我抖不到氣

今天雖然番半DAY,但係最後都O到3點幾4點先食野,係早餐+午餐+下午茶,再係咁落去,真係好唔掂
希望黎緊個份工可以番5DAY LA

4點係m記食左久違的將軍漢堡,好好味呀
之後行左一陣TST,不經不覺,原來SOGO已經開左1年,好多野做PROMOTION,但係我最後都冇買野
跟住去左加連威老道,會合竟然冇遲到既anne,簡直係一個奇蹟,我同anne竟然係最準時到的2個,真係奇.catherine又再一次大遲到,haha,唔知佢幾時先至準時d

席間見到仲有3個月就生既gathering攪手nana,我模佢個肚個時個bb冇咩點郁ga,唔知bb踢佢個時會係點既呢,佢坐起到真係一d都唔覺大左肚呀,仲keep得好好,還有剛剛懷有第二胎3個月的kiwi媽媽,佢都一d唔似又有第二胎,俾我上次見到佢個時仲瘦左tim.席間kiwi分享佢生第一胎琳琳時d野,原來生bb是這樣痛的,母親真係好偉大,神既創造都好偉大同奇妙。佢仲帶左好多琳琳既相俾我地睇tim,bb真係大得好快呀,宜家1year old同幾個月大既相都差好遠。peter同windy原來下年9月結婚,恭喜恭喜。阿chung仲講左d佢上堂學穴位按犘既野俾我地聽,真係好funny,一次happy gathering

不過下次見呢班同學又唔知要幾時了

我地最後係霸王山莊由1830坐到2230先走,勁

星期五, 9月 28, 2007

 

旅行手信

今日唔可以點ot,因為同judy約左去amy到試衫
點知一個少少既誤會,令到我地既試衫時間唔多,最後我地好快地choose左幾條裙黎試,judy好快地試啱左一條,由於時間緊迫,所以我地冇幫joanjoan攪到借個d首飾同頭飾既野lu

跟住會合elaine,順便同佢食埋生日飯
去左一間韓國料理食飯,點知經過elaine混亂既描述後,我地差d去唔到個間野,勁攪笑,仲差d要係澳門茶餐廳到請佢食生日飯

間韓國野d野都ok,個燒牛肋骨都幾ok,個湯都得,但係個石頭飯同個海鮮煎餅就一般la

席間佢地仲分別俾左去完日本同泰國既手信,多謝多謝

真羨慕elaine佢公司遲d有得免費去日本旅行,我都想去多次呀

離去既時候,終於俾我撞到著住軍裝既小昌,雖然佢起tst呢個環頭做左幾個月,我又日日都係tst返工,食飯,放工,但係都撞唔到佢,終於今日係我臨走既時候撞到佢la,yeah

星期三, 9月 26, 2007

 

迫上斷背山

今日唔駛番工,起身就問細佬攞番隻WIN XP碟FORMAT部腦,一路FORMAT,一路教阿爸打WII,不過我唸佢唔會自己攞部WII玩LOR,FORMAT完裝埋其他SOFTWARE都成2點了

跟住就出左去奧海城買飛睇戲
買完飛就入左DISNEYLAND,睇下今年HALLOWEEN有乜攪作
今年HALLOWEEN都幾好玩,間鬼屋好似幾恐佈,但係D公仔既造型就同上年差唔多
最可惜係要趕住出黎睇戲,睇唔到個巡遊
夜場$198都幾值得玩既
好過海洋公園,至少冇咁多人,唔會一次過放咁多人入鬼屋,同埋海洋公園攪左咁多年,開始冇咩新意了,你同鬼講野,隻鬼會答番你先驚,而廸士尼就2-3個人一組,真係會驚GA

跟住出番出黎會合阿公同ANNE睇迫上斷背山,都幾多人睇,第一行都有人,我地都要坐第四行,套戲好多GAG位,有D真係好爆笑,幾輕鬆,可以一睇,之後一齊係奧海城食韓國野,間野都OK既,可惜因為一D誤會,我地想燒既,但係原來我地個隻係整好俾你,冇得燒,不過杯柚子茶都幾好味

食飽飽就行出去旺角消化一下D美食,然後就各散東西了

星期二, 9月 25, 2007

 

中秋節快樂

祝各位中秋節快樂

今天原本可以收早,放4點
但係最後執埋D野都成7點先走

唔知係咪人大左,已經唔係咁鍾意玩到通宵達旦,同人迫
反而想留在家中休息,訓覺,我真係好需要有充足既睡眠
放左工後去旅行社報自遊行去台北,跟住就番屋企了

番到屋企唔知點解部腦入唔到WINDOWS,連安全模式都唔得,但係我又唔知我細佬擺左D WINDOWS碟係邊,唯有睇電視同打WII LA,跟住就訓番個好覺

This page is powered by Blogger. Isn't yours?