熊貓仔俱樂部

第一次一個人去旅行,為左減低危險性,選擇了講國語同寫繁體字的台北

感覺好free,鍾意去邊就去邊,想食咩就食,stay幾耐就幾耐
冇帶旅遊書,所以攪到好似玩緊treasure hunt咁,不斷要靠自己找方法去唔同既舖頭,景點
自己搭公車,自己要認路,好彩我去之前有煲過d旅遊書,記熟左d地圖,同埋有d方向感
去個程係hk好驚險,好彩上到機
最後番到屋企,支hair cream失而復得,多謝神既保守,讓我整個旅程平平安安,thanks god

but一個人去旅行都有d唔好既地方,冇人幫你同d景點影相,唔好意思次次麻煩人,同埋有時個景點未必有人;食野唔食得多,唔可以share黎食,試多幾款;冇人同你傾計,一齊分享;

一人之旅幾特別,下次可以再去第二d地方探索

華華大飯店-鴨肉扁-西門町買手信-墊腳石買書-中山站肥前屋-中山新光三越,HEALING HANGS-台北車站國光店

今日係LAST DAY,係酒店訓到十點幾先起床,執埋行李,十一點幾CHECK OUT,寄左D行李係酒店到,臨走前再番黎攞

去了西門町鴨肉扁食早餐,好味道

跟住再去買手信,去左港記買錄豆糕,原本想買總統餅,但實在太貴了,$16一件餅
去謝記買鴨舌,又不想拿,算了
去了買襪,HK25 6對短襪,HKD25 3對長襪,很平宜呀
去了一家小店買了很可愛的小家品
去了美華泰買我的美麗日記-紅酒面膜一盒,同埋MJ既唇采。

買完後,去了書店買了本75折的"失竊的孩子"
之後行了去中山站的肥前屋食饅魚飯
很多人,食了個蛋捲,還是HK的板前/和花亭好吃
至於個鰻魚飯,不錯呀,好味道

食飽飽,時間又唔多,唔夠時間去故宮,
唯有起中山站附近行下
去了中山新光三越最上的HEALING HANDS
幾多野睇,幾得意,不過冇買

跟住行番去攞行李,搭國光客運去機場,我既台灣之旅就此完結

華華大飯店-台北車站-瑞芳-九分-瑞芳-十分-青桐-瑞芳-基隆-華華大飯店

華華大飯店
由於今日搭火車,上網見D網友通常都搭朝早9點10分既自強號去瑞芳,所以今日7點左右便起左身,刷牙梳洗,食埋尋日個抹茶蜜糖多拿滋就出發了

台北車站
9點鐘到達台北車站買0910的火車票去瑞芳,盛惠NT80
去到4號月台候車,WA,都幾多人
0910火車準時駛入月台,我便進入6號車箱坐,個位幾舒服,有D似機場快線LA,不過當然個位冇咁正,佢又冇開電視,速度都冇咁快,過了幾個站便到瑞芳了,車程若45mins

瑞芳
去到瑞芳差唔多10點,我聽網友講係火車站買張平溪線週遊卷,點知個站務員唔俾我買,因為班平溪線小火車第一班要係1135先由瑞芳站開出,仲有個多小時,佢叫我出閘先,好。
其實台北搭火車既系統都有少少落後,你買完飛,係冇人理你ga,係到站個時先會收你飛,但係收你飛個人係咪真係會睇清楚你張火車票係咪去瑞芳就唔知lu
好,攪錯左平溪線小火車瑞芳站既開車時間,多了個多小時的時間,又唔知夠唔夠時間去九分,便去旅遊中心問下
個職員話1x分鐘車程就到,wah,咁快,我仲以為好遠tim,於是便決定快遊九分

九分
瑞芳去九分的公車既基隆客運來的,不能用悠遊卡,盛惠NT22(要問司機的)。
十多分鐘去到達九分,WAH,好好好凍呀,仲落住毛毛細雨TIM,我唸得1X度<--我既裝束係短袖T-SHIRT,長袖外套,短褲(因為尋日去動物園實在太熱了,點知,好凍呀)
其實現在的九分已經變了一個旅遊區,真係好有特色既東西不多,佢有D似HK既大嶼山既大澳,不過一個係山上,一個係海邊,同了九分山城,九分悲情城市個條長樓梯影相,閒逛左好多跟團HK人既九分老街,由於要睇住時間搭火車,所以没有上茶館泡茶,買了新鮮的麻糬,同李儀鳳梨酥做手信,真的很鬆脆,第二第三第四日仲好香,(好味過台北車站地下街那間。跟住搭番巴士出瑞芳

瑞芳
係售票處買了平溪線週遊卷,盛惠NT54(如果去十分瀑布記得買)
去了1號月台候車,呢架火車同朝早去瑞芳個隻好唔同,無論速度上,外觀上,呢隻係好傳統個隻,而且好慢好慢
好彩周圍D景都OK,如果唔係,悶死

十分
十二點幾到十分,落火車軌過對面出站
因為我買左週遊卷,所以不用收飛,都叫做有個記念
十分呢個站好有特色,因為周圍既民居都係係火車站的2邊到
沿著火車軌向著大華站方向行15-20分鐘,去到十分風景區,沿途都冇乜人,好靜下,如果發生左乜野事,真係冇乜人知
十分風景區入面D景都OK,有幾條吊橋,有1個眼鏡洞瀑布,不過幾小型的,有D GEOG個時讀過既地型,空氣幾好,幾清新
終於行到入十分瀑布LA,盛惠NT100(平溪線週遊卷優惠價),個瀑布都OK既,D水花幾澎拜,可以彈到幾丈遠,BUT同我想像中有D出入,可能我期望太高LA
影完相,閃,行番原路走,原本想食埋午餐,但係要趕搭番1335十分開往青桐的火車(個幾鐘頭先有1班車)

青桐(唯一一個用木造既車站)
原本唸住平溪落車,但係好似冇乜野就就算了
去到青桐已經2點幾,由於我係九分用左D散紙黎買手信,所以身上只餘下NT1000大紙,係呢D郊區既地方我都唔期望佢可以有錢找,我用我僅餘NT110既零錢去了一間小店吃了一個NT30的魯肉飯,都OK。個老細唔知點解睇得出我係HK黎,話我一個女仔去好勇敢,問點解唔找多個伴,跟住我答佢因為我想一個人去旅行遊蕩下,HAHA。個魯肉飯雖然平,但係都好好味,特別係D汁溝埋D肉,GOOD。
食飽飽就周圍睇睇,原來所謂既景點(以前煤礦工廠,宿舍等的遺蹟),都幾荒蕪同荒癈下,好似D鬼屋咁,有少少驚,因為沿途得我一個人行,仲要一個景點去第二個景點既樓梯到,有隻狗吠我一聲,雖則我強作鎮定,但係我真係驚,因為真係好荒蕪下
等到1520就搭番小火車去瑞芳

瑞芳
終於番到黎了,己經16XX LA,原本想搭火車去基隆,但係要17XX先有車,所以就搭基隆客運LA
都係要上車問司機幾錢,因為佢係按路段收費的,瑞芳車站去基隆就要NT30

基隆
17XX終於到基隆了,我又係冇地圖,不過三年前去過,基隆都冇乜點變
有少少印象個夜市點去
好好彩,唔駛問人,靠住3年前去李鵠買鳳梨酥的小小記憶就行到過去廟口夜市
順到買左李鵠既鳳朵酥做手信,因為唸唸下,今朝係李儀個度買唔夠
係廟口夜市到買左營養三明治,不過我唔係幫襯出名個一間,不過都好好味
仲食左刑記鼎邊挫，haha,其實我都唔知乜黎,不過太多小食唔知食乜,所以去左書店睇下廟口夜市有乜出名,但又真係好好味喎,我仲飲晒d湯tim
原本想食海鮮,但係得一個人,份份海鮮都咁大份,點食呀,聽講d奶油螃蟹好好味ga
仲有好好好好天婦羅都因為太飽食唔到lu,如果我有幾個肚就好
食飽飽就行番去火車站搭火車番台北車站
今次係搭區間車,盛惠nt43,架車有d似HK既地鐵,不過就舊好多同埋慢D LA。
經過一日既舟車勞頓,一上到火車就訓著LU

再返到酒店都冇再出黎,係酒店到睇電視

華華大飯店-良品牛肉麵-木柵動物園-深坑-台北地下街-福州世祖糊椒餅-書店街-新光三越-復興SOGO館-以琳書室-度小月-GRANIGH-東區地下街-華華大飯店

良品牛肉麵
因為酒店冇包早餐,朝早係附近有小小出名既良品牛肉麵食早餐。乜野叫小小出名,咪即係有2-3本旅遊書介紹過LOR,憑住我小小煲旅遊書同地圖既印象,我很快已經找到了。可能早,店子冇乜人,叫了招牌紅燒牛肉麵,D湯好好味,D牛肉好淋,有肉味,D麵係粗麵,幾特別,有咬口,好味道,因為真係好好味,其實我有D唔夠喉,不過早餐食2碗,又好似有D過份過,所以跟住就埋單,盛惠NT90

木柵動物園
食飽飽就行去搭捷運去動物園站,由於台北車站係起板南線到,所以要去忠孝復興站轉車去木柵線去到總站動物園。WAH,可能今日星期天,天氣非常好,好多家長都帶埋D BB同小朋友去動物園,見到咁多小朋友,即刻個人都好似後生,精神晒。懷著興高采烈既心情踏入動物園。原本唸住起門口排隊買飛,但係好多人呀,俾我見到可以直接用悠遊卡DO,咁我當然唔排LA,好晒呀。
個動物園好大好大,不過同我想像有D距離,可能熱LA,動物種類係有好多,不過,好多動物都唔係點郁,起度訓覺,都唔生猛。同D動物距離又遠,係睇到D動物既,不過佢通常係首先有欄杆,跟住有條類似河/湖既野,跟住再起一個模疑個種動物生態既陸上地方到,我部電話相機又ZOOM唔到,最可惜係冇帶相機。行下行下,都要行成3個幾鐘先出得番黎,好熱呀

深坑
原本個行程有PLAN過去貓空,但係個纜車停駛檢查,所以就係動物園門外公車站搭公車去深沆食豆腐。點知,D公車都唔係起個站個度停,係起另外一個位到停,咁我咪跟住其他台灣人一齊上LOR,去到深坑LA,但係由於搭個架公車唔係去到豆腐街個位置,所以要自己行馬路行前10分鐘呀。WAH,一去到老街位置,好多串燒烤豆腐呀,二話不說,排左間好多人排隊個檔,好味道。
跟住再行埋入去條老街,佢條老街就好似大澳咁,2邊都有好多豆腐店,又有D賣當地特產既,我買左個黑豆腐冰淇琳,佢應該冇乜落CREAM同奶,好豆腐味,唔似得HK個D豆腐味雪糕
食完就搭番公車出台北市

台北地下街
搭番公車出到台北車站,係地下街其中1個入口落左去,點知,HAHA,呢條地下街原來同平時我去搭火車同捷運個條唔同,係另外一條。佢入面賣既野對於我黎講一D都唔吸引,好舊,佢俾我既感覺就好似羅湖城D舖頭咁,所以我都係找番去最近書局街既出口就出去LU,然後係地面過馬路去

福州世祖楜椒餅
記得三年前,我地落機後第一樣既小食,個時好凍,食左一舊暖烘烘既楜椒餅,覺得好好味,好温暖
排了半小時,吃了出名既饒河街夜市分店既楜椒餅,個楜椒餅非常熱,好多料,而且D肉汁BIT晒出黎,總之一句,正,但係就冇左3年前温暖同驚喜,可能之前都知道好食啦

書店街
逛了書店街好幾間書店,找到了我想買的幾本書,有一本仲75折TIM,HAHA,好,等我最後一日買,其他書其實同HK樓上書店差唔多,而且HK有好平宜的簡體版買,所以都係唸住返HK先買其他個幾本

新光三越
搭捷運去忠孝復興之前去了台北車站的新光三越,行完SUPERMARKET,冇乜特別,閃

復興SOGO館
SOGO,同銅鑼灣SOGO差唔多,不過大D,新D,少D SHOP,地下超級市場係CITYSUPER,同HK差不多,東西也是不平宜呀,去了鼎泰豐,WAH,駛唔駛咁多人,即刻唔駛唸,去埋頂樓的PAGE ONE,OK的,去完,閃,睇黎我唔啱行百貨公司

以琳書房
沿著忠孝東路行左一個站既捷運車程去忠孝敦南站附近既度小月,去之前,見到有間以琳書房,入左去睇D基督教書籍,同精品,唔錯。呢間亦係我係台灣逗留得第二耐既SHOP,第一間係誠品。

度小月
跟住去左後面的度小月,我只係叫了一碗台南擔仔麵,原本都想叫D小食,但係一個人食唔到咁多野,所以最得都冇叫

MISTER DONUT
因為實在太好味,今日再去忠孝敦南既MISTER DONUT要左2件DONUT做宵夜,一件要雙層巧克力多拿滋，佢呢隻有D似蛋糕FEEL,呢件好飽肚,食唔落另外個件枺茶波提,唯有留番第二朝早餐

GRANIPH
去了找這間日本T-SHIRT台灣的旗艦店,這間店不易找呀,因為佢係D住宅區當中,佢D巷錯綜複雜,好不易找,問了路人都答不到我,唯有靠自己LA,最後終於FIND到,間SHOP不是太顯眼的,所以真係要小心D留意D,見到好多人個間就係LA,當中好多HK人,因為有好多本旅遊書推介過,我都買左2件T-SHIRT呀

東區地下街
跟住行左陣地下街,呢條地下街好過台北地下街,舒服過站前地下街,都OK,不過都係有D OUT,看不上眼啦

華華大飯店
因為明天要早起,所以跟住就番左酒店訓覺LA

台北桃園國際機場-華華大飯店-光南大批發-西門町-淡水(漁人碼頭+老街)-美麗華百樂園-信義誠品旗尷店-華華大飯店

台北桃園園際機場
終於到台北LA,時間係0950
即刻做個落地簽証先,可能早,冇乜人排隊,非常之快攪掂
係入境個度用了夠多時間,你知始終其他國家既人冇HK既人咁有效率,所以條人龍係非常緩慢咁郁動GA
過了關,由於我件行李係HAND CARRY,所以不用等件行李
去了旅遊局攞資料,同埋申請左青年旅遊卡,呢張卡係FREE OF CHARGE,俾15-30歲既人申請,入面有好多優惠GA,包括景點,住宿,食野等,申請完,佢俾了個優惠冊子同埋類似條KEY既咭俾我,如果大家今年去,記得申請

華華大飯店(本館)
跟住用了PACKAGE送的飛狗飛去酒店,佢車到去台北車站就落車,大佬,我冇地圖,唔識行去酒店呀
單憑我之前煲台灣旅遊書既少少記憶+酒店地址,我首先行到地標新光三越,跟住向台北車站既反方向行,第一條街見到光南大批發,即刻叮左一聲,唸住一放低行李就去,第二條街就係漢口街一段LA,即係我酒店既地方,結果好快到酒店,WAH,原來間酒店好方便呀。
我原本唸住佢會俾間單人房我,點知WAH KA KA,我間房係三人房,一個人住三人房,掂掂掂

光南大批發
如果大家有印象,我知噴頭髮既CREAM咪俾人没收了,咁我呢幾日係台北個頭咪好精采,所以我放低D野後,就去了光南大批發到睇下有冇適合噴頭髮既CREAM/轉插買,點知佢得MOUSSE,WAX,GEL,係冇CREAM,轉插係有,不過唔啱用,算,去第二度買。係光南見到好多人贊的廣源良,好平呀,但係我又唔知有乜好用,仲有d筆都係好平,不過屋企都好多文具啦,買黎做乜呀。
跟住去左附近間WATSONS,見到有隻MILK,係日本SHISEIDO出,我唸應該OK,因為唔會太重,所以我就買左,折完盛惠NT220。原本想買埋支BURT & BEES潤唇膏NT135,同埋支MAJOLICA MAJROCA紅晶棒NT220,但為免太大洗,所以HOLD住先,最後個日先掃貨

西門町蛋蛋屋
買完野又自己試下行去西門町,我D方向感原來都唔錯,去了位於成都路的蛋蛋屋食日式蛋包飯,之前睇幾本書都有介紹,好似好好味咁,所以我既第一餐就CHOOSE了佢。呢餐包括有咖哩豬排蛋包飯NT230+橙汁同蛋蛋布蕾(即雞蛋布丁)NT100,加完一就NT343。WAH,午餐呢個價錢,好似有D奢侈添,不過個蛋包飯好好味就真,反而個布丁就冇我想像咁吸引LA,大家可以試試。

西門町閒逛
食完咁多野,當然要行下消化下
見到SKIN FOOD,買左支BB CREAM,盛惠NT550,之前HK都想BUY,台灣平D,咁就買左
跟住行左入間菓風小舖到,見到d攪野糖果,係幾攪野,亦都幾無聊,唔知好唔好食,因為覺得太無聊,所以冇買
之後見到係西門町有間百貨店,又行左去,見到網友勁推的我的美麗日記做緊PROMOTION,所以唸住臨走係度買返黎HK俾大家試下用
行下行下,已經3點LA,我之前上網見到通常5點左右便日落,所以要出發去淡水LA,原本唸住去北投浸温泉,就變左唔夠時間,唯有睇下之後有冇時間浸LA。

淡水,漁人碼頭,情人橋
用了PACKAGE送的捷運1日遊票搭捷運,到左淡水。再買張悠遊卡搭公車+之後搭捷運用,盛惠NT500,不過唔駛次次都找散銀,你知,邊度找到咁多散銀呀
嘩,好彩預多左時間JAR,4點左右去到淡水,原來搭公車去漁人碼頭要幾個字既時間GA,去到漁人碼頭同情人橋都差唔多5點了,果然氣氛唔錯,可惜我得一個人,找了路人幫我影相,周圍影下相,有棵樹係好似D卡通入面既樹咁,好攪笑,佢有D似HK既西貢,好舒服,吹下海風,聽下餐廳既人演奏音樂,HAE下,優哉悠哉,睇住慢慢日落,正。
跟住搭番公車出淡水捷運站,見到間MISTER DONUT,又係好出名,我試左個蜜糖巧克力波提,NT30,好Q,好有咬口,正正正,大家記得要試呀
跟住去了老街行,其實同3年前都冇乜大分別,我主要都係買阿芳指定既手信-阿婆鐵蛋俾佢,今次冇食到個超高既冰淇淋,因為冇味,唔好食,亦都冇食臭豆腐,因為之後會食。食左細份既碳烤原隻魷魚NT40,仍然係咁YUMMY YUMMY同惹味。買了鐵蛋,不過今次冇得試食,我覺得好似加左價,不過唔理LU,照買。跟住去左1間食魚丸湯,感覺好似好味過上次黎台北個間,個彈牙,D湯都好清,好味,食飽飽就走LU

美麗華百樂園
3年前冇去到美麗華摩天輪,今次去番。係捷運劍潭站等shuttle bus去,等車係要最耐既,差唔多半個鐘先有一班車,去到已經8點幾9點lu,之後行了少少個商場,冇乜特別,同HK D商場差唔多。番到黎hk之後先知到台劇換換愛好多場戲都起度取景,可惜冇睇過,所以亦都冇乜特別留意。
跟住去買飛坐摩天輪,攞住機場申請個張國際青年卡折左之後,要NT150,都OK,不是太貴,其實佢應該幾好揾,有D FD一齊去,一架摩天輪坐晒6人,每人收你優惠價NT150,咁就已經NT900,相對我呢D,因為我1個人去,所以1個人1架,只係收到我NT150,同樣係用佢咁多RESOURCES,即刻覺得抵晒,HAHA!!!<--開始SHORT SHORT地
係綠色燈光既摩天輪影左好多張自拍鬼相&台北夜景,個夜景同HK好唔同FEEL,因為佢D樓矮(其實係因為HK細,地少人多,寸金尺土,D樓全部鬼死咁高),變左望落去,個空間感好大。個摩天輪都值得坐既

信義誠品旗艦店
玩完摩天輪,等左陣車,搭番shuttle bus出劍潭站,有唸過去士林夜市,but覺得最好食都係個豪大大雞扒同十全排骨,1個人食唔到,所以都係冇去到
搭番捷運出市政府站,死火,唔記得係捷運睇地圖睇下信義誠品起邊
好彩,出左站,望下四圍,好快望到,跟住行左過去,呢間誠品我覺得幾好行,真係賣書既好似得2-3層,其他有d品牌店,同埋有food court,好快睇左其他舖頭,因為個d舖頭仲有15分鐘就closed(收2300),最後先攻上書店個2層(個日禮拜六收0200),感覺上,呢間好行過敦南誠品,地方寬敞,空間大d,而且有d位可以俾你打書釘,唔同種類既書都有,quite good。之前係hk睇中左幾本書,係有1本找不到,but,因為誠品應該會俾書店街d書貴d,所以最後咩都冇買就走左

華華大飯店
11點幾,已經好攰了,搭捷運去左西門町,唸住去24小時既家樂福買野,最後,唔記得左起邊,so give up左,然後行番去酒店lu

第一日台北之旅就此完結

今次我去台北,早機去晚機返
今早搭國泰cx460 ma,朝早0835起飛,平時都要0635到機場,咁我買團體飛,D飛要係機場到攞,領隊約左0620係機場等
臨訓前較左0430鬧鐘,點知佢冇響過,天呀
你話係舊屋都話呀,近機鐡站,半個鐘到機場
宜家,轉黎轉去,起碼要1.5小時
一起身,嘩,天呀,係朝早7點,大事不妙,遲到呀,仲要係屋企,邊到趕得切,又要CHECK-IN,又要寄行李,又要過關同SECURITY,又要唔知邊個閘口登機,唉
牙都唔刷，臉都冇洗，攞左差好個舊電，同埋個插頭就行ＬＡ，但係我落到街先記得我係冇帶相機，冇帶轉插，冇帶到何生本台北旅遊全攻略，唔理，冇時間ＬＡ，衝左落街，但係我身上得HKD$180 JAR,冇理由搭巴士/小巴轉地鐵轉巴士OR機鐵,全部都要超過1小時
行番出富山道截的士,打俾個領隊,話俾佢知我未到,問佢我應該怎樣,佢叫我找個女仔,但係佢唔知我係邊個地區,已經0715,好驚呀
上左的士問司機去機場要幾錢,佢話要$200鬆D,同佢講我得$180,問佢得唔得,佢話唔得,我都預左,退而求其次去青衣機鐵站轉機鐡,佢話$100-$120到,好,去碼
係搭緊的士途中,祈禱祈禱,個領隊打黎問我起邊到,話仲有15MIN就CLOSED,我都打定輸數,我架的士個時係又一城附近,邊到趕到,仲要搭機鐵,問定左如果趕唔切要辦乜野手續,佢叫我都係找番個女仔,佢會幫我攪,但係要補幾錢就唔知,要問番國泰D人先知,咁都照去,鬼叫自己唔知醒,係我錯,冇計
去到青衣機鐵站已經0740,盛惠$98,攞住張收據搭機鐵半價,半價後$30,即係呢程TOTAL用左$128,八達通DO完就有車,上埋車,等了幾分鐘就開車,去到機場0750
即刻飛去找個女仔唸住辦手續,點知佢俾左張登機証我,BROADING PASS,跟住佢叫我去寄行李,去到寄行李個到,個地勤問我仲乜咁遲,話其他人D LUGGAGE已經入晒去,呢個時間你應該登緊機,我班機寄行李個到已經CLOSED左,冇計,要做HAND CARRY,速速入去過關同SECRUITY
因為原本唸住寄艙,所以有支噴頭髮既CREAM起度,仲要係超過100ML,所以要没收,冇計
過埋SECURITY,即刻去登機LA,天呀,64號閘口,要搭無人驚駛,跟住仲要行段路,再係右手邊第3個GATE,駛唔駛咁遠呀,搭完無人驚駛已經係FINAL CALL LA,即刻拖住件行李跑呀跑呀,好彩趕到,係冷氣開放既機場到跑都出汗既,你話驚唔驚
最後,終於安然上機,THANKS GOD,原本冇乜可能上到機,但係最後都上到,雖然中途有D阻滯,ANYWAY,個OUTCOME係唔需要補錢,就可以去到,YEAH,THANKS GOD
飛機上吹了一個火腿蛋三文治,俾想像中好味的一餐
經個個多小時既機程,終於到台北LA

今日收到東瀛遊的電話
我等左好耐既台北之旅終於可以confirm埋個機位

原本報名個陣,佢話呢隻團體飛多數係跟長榮/港龍,12點前機飛,中午機返,好少機會係搭國泰
佢今日覆左我
竟然搭國泰,HAHAHAHA
仲要係CX460,香港時間08:35起飛,預算到台北時間10:15
返黎係CX401,台北時間19:20起飛,預算到香港時間21:00

實在太好了,早機去晚機返
唔知JOANJOAN會唔會飛呢2班機呢

搬左黎半山既新屋後,風涼水冷

呢排天氣轉,屋企更是涼上加涼,係屋企要著件外套,勁
今晚感覺到身體有d唔妥,即刻食番2粒維他命C丸
未到12點,已經訓起張床到

仲有9.5個工作天

希望時間快d過

期待休息的日子

今日同honey一齊返上深圳office講低身後事
佢要趕住走,所以食埋中午飯就走左先
我教埋haman d野都成夜晚7點lu,搭的士又塞車,平時15-20分鐘既車程要成35-40分鐘既時間
返到黎羅湖火車站已經成7點9
搭火車搭到九龍塘火車站,行左好耐冇行既又一城

又一城,曾經係一個日日出入的商場,宜家grad左咁耐,都有d miss呢個商場
去了log-on到行,見到有一隻牌子既錶做charity sale,而其中一款就係黑色鋼帶,黑色錶殼,黑色錶玉的錶,雖然冇agnes b個隻咁靚,但用黎玩下同襯衫都唔錯。何況agnes b個隻$2400,呢隻$399,況且係for charity,咁更加冇所謂,所以最後都買左。佢幫我較錶帶時,我仲見到森美,佢同電視個身型差唔多,不過又唔係好高,都ok的

另外,係taste到發現一罐朱古力飲品,只係加熱水就得,實在太好了。因為坊間好多朱古力飲品都係要加奶既,我覺得好麻煩,最後買埋番屋企,hehe

最後,開開心心搭番屋企

今日終於睇晒咁多期網球王子漫畫

覺得自己係短時間睇晒成套漫畫,實在有d變態

網球王子越睇越唔真實,d招式同足球小將一樣咁浮誇,根本冇可能做到既
but都ok熱血既

anyway,我的最後始終係slam dunk

今日係newsgroup見到呢篇轉載自蘋果日報的報道,對於我呢d成日行山都會撞到惡犬既我同埋驚狗既我都幾有用

留 心 注 意 狗 隻 情 緒 表 現, 例 如 當 狗 感 到 不 高 興 時 ， 尾 巴 不 會 搖 ； 害 怕 時 ， 會 將 尾 巴 夾 在 後 腿 之 間 ； 準 備 攻 擊 時 ， 尾 巴 會 有 力 地 向 上 翹 ， 並 大 幅 擺 動 。 當 狗 隻 不 停 吠 叫 、 跳 動 、 發 出 咆 哮 、 露 齒 、 背 部 毛 髮 豎 起 等 行 為 ， 都 是 狗 被 觸 怒 時 的 表 現 ， 市 民 要 特 別 留 意 。
黃 妙 泉 又 特 別 提 醒 市 民 進 入 陌 生 地 方 前 ， 應 製 造 聲 響 ， 如 搖 動 鑰 匙 及 喊 叫 ， 以 便 了 解 是 否 有 狗 隻 存 在 ， 好 作 準 備 。



防 狗 咬 招 式

- 一 般 預 防 -
製 造 響 聲 ， 如 搖 動 鑰 匙 及 喊 叫 ， 了 解 該 處 有 無 養 狗
嘗 試 表 現 親 切 ， 如 叫 牠 「 Good Boy 」 等
不 宜 觸 碰 狗 口 、 鼻 及 尾 巴 等

- 遇 上 惡 狗 時 -
吹 口 哨 及 敲 竹 ， 分 散 惡 狗 注 意 力
用 外 物 引 開 狗 隻 ， 如 打 開 雨 傘 或 丟 隨 身 物 件 給 牠 們 咬
避 免 眼 神 對 望 並 慢 慢 離 開 牠 們 的 視 線 範 圍

- 被 狗 襲 擊 時 -
如 跌 在 地 上 切 勿 滾 動 ， 應 蜷 曲 身 體 ， 兩 手 抱 頭 並 保 護 耳 朵
若 不 幸 被 咬 ， 勿 用 蠻 力 摔 開 ， 避 免 造 成 更 大 裂 傷
情 況 危 急 時 ， 攻 擊 狗 鼻 比 打 狗 身 更 有 阻 嚇 力
向 狗 鼻 灌 水 或 以 打 火 機 燒 ， 狗 應 會 放 口

今天清email,見到呢個test,大家試下

> > 有一棵椰子樹長得非常高
> > 四隻動物：金剛, 人猿, 猩猩, 猴子剛好經過,> > 牠們比賽爬上去採香蕉, 你覺得誰會先採到？
> > (請回答) 看你屬哪種性格的人

> > > > 答案在下面, 選完動物後再看答案…………………
> >
> >
> >
> >
> >
> >
> >
> >
> >
> >
> >
> >
> >
> >
> >
> >
> >
> >
> >
> >
> >

> > 人猿 = 你的性格屬蠢
> > 金剛 = 你的性格屬傻
> > 猩猩 = 你的性格屬笨
> > 猴子 = 你的性格屬白痴
> > > > 唉, 四大極品.
> > 乜椰子樹上會長香蕉既咩...?？

> > > > 兄弟姐妹們呀~~~
> > 看來你也是被工作折磨的快不行了......

首先祝WAYNE同JANEY國慶生日快樂

今天9點多起床,稍為疏洗後匆匆地趕往青衣,由於時間無多,只是食了2條即食腸仔做早餐,水都未有時間飲

今非昔比,以前15-20分鐘的車程,現在要成45-50分鐘
無他既,現在要駁車落黃大仙MTR,點知架小巴又要等客,又開得慢,平時10分鐘既車程變左成18分鐘
跟住MTR又要轉2次車,真麻煩,希望我會快D習慣LA

到達青衣站後匯合其他組員,一起搭巴士去長宏邨附近既青衣自然徑南面入口
一行10人浩浩蕩蕩地起行,由於有D組員以為只係去公園,行半個鐘公園就到,所以有D人著左長袖衫,裇衫,皮鞋,今日真係辛苦左佢地LOR

其實我地係要上山去青衣回歸紀念徑,由於有D組員冇唸度要行山,再加上有D不合適既衣著,所以他們行得頗為吃力,幸好呢段路程其實唔難行同唔長,同埋都幾多涼亭俾人休息,又大風,佢地慢慢都OK

這裏的景色仍然跟幾年前一樣美麗,有山,有海,有橋,有現代城市既屋苑,正
再加上又唔晒,真係唔錯
望住美麗既大自然,聽住風聲,唔錯唔錯,希望今年可以行番多D山LA,今年實在行得太少

靜修完行番落山,搭車返青衣,都4點了,全日只係食得2條腸既我緊係好肚餓LA,食左個很美味的PIZZA HUT午餐+下午茶就非常滿足了

帶住飽飽的肚子出旺角換埋D野同租埋幾本漫畫,便番屋企了

這幾天的活動,攪到我真係好攰呀

如果聽日唔駛番工就好了