熊貓仔俱樂部

今日係禮拜日,所以一早起身如常咁番崇拜,崇拜完之後同d組員食飯,跟住同emily一齊守望,然後返了屋企。

點知返到屋企見到mum整緊房張碌架床上面個"較"位,因為上床個"較"位唔知點解鬆左出黎,可能係我細佬成日上上落落,佢又唔用條梯既,所以d力成日執埋個位到,攪到宜家咁。由於佢整得都幾麻煩,佢要搬晒張床同埋房裏面d野出黎,我費事阻住2位老人家做野,咁咪唯有出門口行吓lor。

我屋企近尖咀,咁就緊係行尖咀啦,點知6點幾行到海港城就撞到kathy同tiger。點解我會去到邊都撞到人ga,唔通同我d DNA有關???原本我地都唸住今日一齊出黎去海灘玩ga,但係大家都知啦,呢排成日都落雨,去海灘都冇mood玩啦。所以尋晚我同kathy msn都傾過今日出黎唱k,睇戲,食飯,但係因為d k歌都唔識,咁就無謂啦,所以就唸住睇戲,我想睇謊島叛變,但係要再問其他人有冇興趣先知。HaHa,點知今日就撞到佢地,但係tiger堅持要睇神奇四俠,我就堅持睇謊島叛變,因為神奇四俠d角色造型太核突la,而kathy呢,就係中立既。打俾其他人睇下佢地睇唔睇啦,點知有d就要陪bf,有d就2套都睇左,有d呢就唔係hk,所以都俾唔到意見我地。最後我同tiger要由"包剪揼"黎了決,最後由我既"揼"win左tiger既"剪",所以我地就去左睇謊島叛變啦。YEAH!!!

咁我地跟住去戲院睇下幾點場啦,個時既時間係7點鐘,海運就有1場係7點20分,新港就7點30分,因為個時大家都未食野,TIGER又好肚餓,所以就睇新港7:30。係我地排隊買飛時,仲有1個就到我地買飛啦。就係呢個時候,突然之間,有個男仔問我地係咪睇謊島叛變,咁我地答佢係LA,我初初以為佢買了飛,但是因為朋友不能來,所以想將D飛賣俾我地,但係佢竟然係有2張謊島叛變今日到期既換票証呀,佢就咁俾了我們呀,所以我地3個人只需要買1張$55既戲飛就得啦。THANKS GOD,呢個男仔出現既TIMING非常好,佢又個個都唔問,問我地3個,令我地慳左好多,宜家每人只要俾$18-19 JAR,THANKS THE BOY VERY MUCH TOO!!!

跟住買完飛就好興高采烈咁去左美心醫肚,醫完肚就去睇戲啦。今次我地係去2院,但係新港既2院原來係大過1院好多GA。講番套謊島叛變,真係好好睇呀,套戲非常緊湊,由頭到尾冇冷場,故事都OK,係我今年SO FAR所睇最好睇既1套戲,套戲咁[平,靚,正],簡直要推介啦。

仲有,我今日同TIGER,KATHY相處時發現佢地2個好攪野GA,TIGER唔知點解話KATHY老作GOR WOR,真係奇怪

日日都落雨,真係有d掃興

今日朝早約左catherine攞番d整cake既工具,仲見到佢daddy tim,原來catherine同佢daddy都幾似樣ga

黃昏臨開cell之前,唸住去太子買d馬賽克,點知我發覺好貴的,所以最後冇buy。
跟住我見時間尚早,咪去了新世紀lor,唸住去大眾睇下書,點知當我上到新世紀冇耐就迎面撞到人,今次既主角係阿anne,跟住同佢一齊去左esprit會合佢d fds,我終於有幸見到[x喱x]真人啦,果然聞名不如見面

聽講露寶治的世界好笑呀,攪到我有d期望tim,我仲想聽古巨基配音呀,我覺得佢把聲配機械人音會好攪野。

今日又係下雨天,原本想去游水既我又再一次被打消了念頭,一早起身就開始睇埋藍海寧本三萬呎高空上的悸動II,我用了1個上午3個小時看完整本書。個人覺得第2集好看過尋日看的第1集,不知睇過這2本書的朋友又同唔同意我的看法呢。

跟住唸住叮個蕃茄肉醬意粉黎食,點知叮叮下仲有分幾鐘未叮完時,個微波爐同個電視同時自動熄了,可能是跳了fuse,不過由於我實在太肚餓,所以雖然未叮完,冇電視睇,但係我都照食碟意粉醫左五臟廟先。

可能因為仲有成分幾鐘先叮完既關係,所以有小部份意粉係仲係凍的,其他大部份的意粉也是熱的,於是我努力地將個d意粉撈勻,希望成個意粉d溫差唔會相差咁大,食落會舒服d,好彩那些凍的意粉也是已淋的,入到口,最後我成個意粉掃晒落肚。呢碟意粉另我唸起個時去outward bound第3日去行山,夜晚係荒山野領露宿時煮個餐飯,講真個句,你起荒山野嶺食飯要求都唔可以咁高,求其食得飽就算,我記得個餐d飯係半熱半凍,d臘腸都係,半軟半硬,我都唔記得個時有冇食晒條半軟半硬既臘腸lu,我only記得跟住個晚個餐雖然d飯餸係一模一樣,d飯仍然係半軟半硬,但係個餐真係好好味,簡直係當時既極品,唸起都回味無窮,留晒口水。

好啦,醫好個肚就要攪番掂d電,經我同我細佬商議後決定將2個拖板對換,後尾也可以呢。

跟住去左做gym,我自從4月尾5月頭我都冇去過la。月費個個月照俾,但係又冇去用,蝕晒d錢俾佢,咁宜家咁係要用番ga la,冇理由咁啃錢ga。我今日做了太空漫步機,踏了單車機,玩了划艇機仲有少少器械,玩完真係好攰呀,好耐冇試過lu。

今日起身想去游水,我好耐冇游過啦。
唸住執野啦,點知係呢個時候就落大雨lu,即刻打消左我游水既念頭。

跟住拎左個時係書展買既馬賽克出黎設計同埋砌,終於完成第一個diy馬賽克相架la,yeah!!!

lunch叮左個意粉黎食,跟住就不知不覺咁訓左,起身再睇埋個時書展買藍海寧個本{三萬呎高空上的悸動],其中1篇講通常d搭客點樣係飛機中識d空姐/空中少爺,不期然另我想到2003年同大學同學一齊去泰國,因為領隊同其他公司既領隊坐位編排有點兒出錯,變左我同我個fd冇位坐,要勞煩到空中少爺幫手,個空中少爺都幾斯文靚仔ga,佢find左個高級d既空姐,同埋我地既領隊攪我地冇位坐既問題。跟住我地落機之後撞到一班機組人員,我地2個即刻把握機會,同那個空中少爺影左張合照tim,我地排隊過海關個時佢祝我地有個愉快既旅程tim,唸係都幾難忘ga。
睇下睇下,我終於睇完啦,相對於我前日完成個本區樂民既[快樂在你手],我個人較為欣賞區樂民個本著書,因為佢既筆觸較為活潑生動,同埋幽默,而且較為輕鬆。

我要努力d再睇埋其他書先,我仲有本The Purpose-Driven Life要睇呀

祝晶哥生日快樂

因為禮拜一番工個時有個勞工署既人打黎,話有個試工計劃既人轉介,由於唔想推太耐,所以約了今日interview,so今日都番左工

呢個見工既人份cv寫宜家係海口一間公司既financial controller,wa,好大來頭咁喎,點請得你起呀,咁我係interview時再問佢啦,佢話其實係睇野,學野喎,我都唔係好明,咁你又寫落去做你既job experience。佢話自己識用速成打中文,點知haha,真係超級唔掂呀,不過打字呢d野可以練既。佢interview個時對眼又碌黎碌去,周圍望,佢張chair又自己轉黎轉去,完全唔專住,好似唔係同我講緊野咁。佢d普通話ok la,佢d廣東話都有少少口音,但係佢d英文又好重既國內人口音,聽佢講英文絕對唔係好似係澳洲讀左幾年書同生活過既人lor,d grammer都不是太好,但都冇乜人理你d grammer ga la,講得明其他人咪算。至於佢既機會,我都唔知,都係俾老板決定啦。

另外,今日終於send左奧比斯個中秋義賣form過去啦

今日心血來潮想去捐血,見尋日攰得滯,早左訓,今日又早起身,都叫睡眠充足既,同埋其實我原本上個禮拜一之後都可以去再捐(我上次捐血係18/3,女仔每隔四個月先可以捐1次),只不過上星期玩得太多,所以冇時間去捐血,咁咪今日去捐攞。

我記得我第1次捐血係個時係u到紅十字會既人黎學校,個時因為想知自己乜野血型,咪find左其他同學一齊捐lor。初初都冇定期捐,都係有人黎學校咁咪去捐lor,我記得有1次12月個時study緊考試,跟住我又係心血來潮想捐血,咁咪去左旺角個捐血站捐,個次係我第1次去捐血站捐。之後都有定期捐,初初幾次是1年捐2次,是為了個定期捐血章,不過宜家既我己經唔會為了個捐血章,而係養成左個習慣每4個月定期去捐一次血了。

今日見我個姑娘問得都好快吓,可能佢見我捐左咁多次掛,跟住就探熱,37.4度,順利過關。跟住去了"篤"手指check血紅素即haemoglobin,今日d血係個solution到跌得唔夠快,所以要再take d血去部機到check準d,之前都試過1次,今次check到有12,所以同上次1樣都順利過關。跟住要捐血la,不過捐之前緊係要量量血壓先啦,我個時既血壓係100/60,正常,可以捐血。我今次同之前捐咁多次都一樣係唔用麻醉針,因為我覺得都係個1下啫,"吉"多支針咪仲痛,又要浪費d麻醉藥,雖然佢支針真係好粗,不過我次次都會睇住佢"吉"支針落我條血管到ga,睇住d血係我條血管到流出黎,有時我都覺得自己好大膽ga,HAHA。我今次同以往咁多次一樣都係捐大包血,成個捐血PROCESS用了8分鐘,都算快既。

祝Grace同Thomas今日生日快樂

今日番了以前公司做pt-time,haha,每次我番去都好忙ga,返去都係攪d admin野,同突發既野多,仲要check下其他同事做既野同埋要處理佢地既問題,由於我通常1個禮拜先返1次,所以佢地會有好多問題問我ga,有時真係會覺得好煩ga,不過我都控制到自己情緒既,唔會show到1個好厭煩既樣出黎。

下午約左polly出黎食飯,上個禮拜因為之前個日去了澳門玩,返黎香港夜得滯所以冇約到佢出黎食lunch,點知佢個晚唔知係咪因為知道我掛住佢,所以就即刻sms黎話下我仲乜冇find佢食飯,咁我見今日番工,緊係即刻約番佢出黎食lunch la。YEAH!!!點知我地唸住去個間野又CLOSE左,佢又咪係個新地址營業,我地咪唯有轉戰其他食市LOR。

今日朝早9點鐘起身,一起身就食了前天係澳門買的紫菜鳳凰卷做早餐,果然好味道,好脆,不過再多d肉鬆仲好lu。跟住再開埋電視睇有線體育台個世界游泳錦標賽男子一米彈板賽事,我發覺跳水真係要有2高,1高就係高穩定性,係新既賽制到偶一失手,真係會乜都追唔番,第2高就係難度高

我睇完就去左書展,可能時間尚早,況且又唔係禮拜六,日既關係,所以都唔多人,不過行下行下,睇下睇下就行左我4個鐘,真係好攰同好肚餓。我仲買左以下既野:
1)黑夜之後(村上春樹)
2)快樂在你手(區樂民)
3)翹首振翅香港機師手記I,II(國泰航空機師)
4)三萬呎高空上的悸動I,II(藍海寧)
5)馬賽克勞作DIY相架

祝志祥生日快樂

今日教會因為裝修關係,所以以後截至8月底的崇拜同小組都會改了地方,崇拜就改了係大角咀林百欣中心,小組就係家樂樓。講番林百欣中心先,我原本唔識去呀,好彩得HIDEE仔細的描述,我先冇做迷途小羔羊同冇遲到。Thanks Hidee!!!仲有,我地崇拜係起5樓,好彩有電梯,你知啦,一大早,又咁熱,己經趕ga la,仲要行上5層樓梯,真係會想死呀。林百欣相對起沙崙個禮堂細左d,我地崇拜又多人,遲對個d可能真係冇位坐,冇乜冷氣,攪到全程都好熱,好彩有風扇,但係都唔係好夠,不過只可以話好過冇咁解,好似平時冇開冷氣開風扇既屋企咁lor。咁啱今日個講員係出面請番黎,而佢係聲線係比較少高低抑揚,比較平淡,所以真係有d眼訓。

跟住完左崇拜就同d一齊去下午CCMN既短宣差遣禮既弟兄姊妹出旺角幫短宣既弟兄姊妹買野作最後補給同埋食飯,跟住再一齊坐巴士去係尖沙咀街坊福利會的差遣禮。今年我教會有5個弟兄姊妹去越南短宣,我組就有3個,見到大家都咁興高采烈去為神去打仗,作工,宣教真係有d感動。我仲起短宣差遣禮中撞到2個大學同學呢,雖則個hall好多人,我地坐得好遠,不過在坐低起身俾我發現左個男仔好熟口面(面型,髮型,眼鏡,...),之後就成日向那個方向看,看看見不見到他的女朋友,haha,佢隔離個女仔都好似我識個同學呀,不過太遠,我唔太sure。不過,到最後個part,全場既人都企晒起身送d短宣隊員走時,haha,edith見到我la,我都見到edith la,不過由於我地好遠呀,我地就跳高同揮手不斷同對方say hi tim。Haha,最後走時,還同edith傾了幾句,佢教會有400人,有100人去短宣呀,神既工作真係好勁呀。我仲同edith影左一張相呢,佢仍然係咁靚女呀。YEAH!!!!!!!!!!!!!!!

跟住返屋企睇女排,我睇個時己經係日本vs古巴第2局尾LA,場波真係超緊張,日本隊D防守超勁,古巴D波咁勁都起到,不過都有唔少分攞到,最後要打到第5局先分勝負,仲要係最後2局都要打DEUCE呀,勁正。再睇埋之前場中國VS巴西既重播,呢場中國隊真係番晒黎,最後好輕鬆咁直落3局WIN左巴西。睇完波就去打波LU,不過係打羽毛球,好耐冇打LU,仲好耐冇見澎澎TIM。

其實我今年都真係好認真咁考慮過短宣,我真係想為神作工,但係因為截止報名前,我唸住唔想辭左工,考埋試仲要玩咁耐先去find job,雖然我知道神既供應係好豐富,當你為神sacriface,神會俾番d野你,仲要係遠超你所想所求的,心裏雖然相信神,但在那時的"自我"還是比"神"大,只是一直自己想想想,但還是不樂於聽神的聲音,所以最後也没有報名lu。今天己經是他們短宣隊出發的日子前一天,但現在的我仍是玩樂中,雖有send信,但絕對不積極,現在真的有點兒後悔没有報到名呢。Anyway,經過今次,我知道人算不如天算,我地真係要靜心聆聽神的聲音呀,唯有神知道你前路/未來如何,不要為一己私念消滅神在你心中的異象,聲音呀。

今日去左太古城既恐龍展,其實想睇好耐,不過見初初禮拜六,日咁多人,都唔敢去,終於今日用埋2張地鐵十送一既車票去左lu。今日可能唔係假日,都唔係太多人,見到d小朋友見到d恐龍化石好吸引,好雀躍,問佢地既家長好多問題,真係可愛。

我今日仲有排隊摸巨型恐龍既股骨d,條骨真係好大條,絕對粗過我既四肢,仲要係有成個人咁高,真係好巨型呀。

有時會唸,恐龍咁巨型,如果宜家仲生存係世上,呢個世界會點呢?究竟人同恐龍可唔可以共存既呢?點解d恐龍會突然之間消失呢?

今日既相已經post左係http://www.imagestation.com/album/?id=2123727392,大家得閒入去睇呀

尋晚又係好夜訓,成4點先訓,今朝又係好早8點幾起身,睇左幾集鴨寮街的金蛋

跟住係有線到睇左直播女排中國vs意大利,中國今場比起上次香港站既表現仲係冇咁好,不過d戰術就多番d,悅目d,結果又係輸3:0,真係有d灰

睇睇下波,有人打電話約今日下午interview,跟住我緊係問係邊la,係冇雷公咁遠既話下午都一定唔想去in,不過地點係旺角,當然冇問題la

2點鐘再睇埋古巴vs巴西,呢場正呀,超緊張,黑色橡膠古巴彈跳力十足,下下都好重鎚,巴西都好勁呀,d波守得好好,刹波又係勁,最後要打5局先決到勝負,若果不是今早約了1630去旺角interview,就可以睇埋第五局lu

講返interview,今日去左家樂隔離幢柏裕商業中心到in,好近我屋企呀,如果係呢間公司到返工就正lu,間公司都幾大,填完form之後有1個操不純正廣東話,有幾重普通話的口音的女人黎in我,由於我冇expect過in個人係操唔純正既廣東話,所以初初我真係估唔到她說什麼呢?跟住個interviewer問我英文in定國語in,我緊係話用英文la,我d國語係有限公司ma,講一兩句還可以,講得多,真係會笑死人ga。如果你問我in成點,我覺得還可以la,不過不是in得太好,都係要等消息。

今日唔駛返工,一早起身就係careertimes個網站到找工send信,跟住send埋sms俾今日生日的2個同學仔,wilson and ivan

之後下午就落左街去銀行唸住cut之前舊公司出糧既a/c,點知個teller話要帶埋紅簿仔先得喎,咁算啦。咪only去恆生入返d支票同生日利是錢lor,我發現原來自從我grad了之後都冇乜點用呢個以前用黎俾學費既bank account,所以呢幾年都冇乜transactions,3年唔打簿都可以睇番晒3年內的transactions,你知啦,如果你多transactions既話,銀行只會出一個叫net back items既野幫你sum up晒所有transactions落你本簿仔到,好彩好彩。

起行去星展銀行時見到大學同學jessie,佢應該係番去佢公司,其實佢同U個時個look變左好多,所以都唔係太認得佢,我有猶疑過叫唔叫佢,不過佢好似冇乜點留意到身邊既野,直行直過,咁咪算lor

跟住去左睇書,估唔到撞到grace個bf,ah wing,佢就黎入海關camp la,唔知第日佢會唔會仲黑仲瘦呢

睇完書再去日本城唸住買髮夾,因為剪完頭之後如果紥起d頭髮時,側邊d頭髮又成日唔夠長,跌晒出黎,好麻煩呀,咪唸住夾起佢lor,點知撞到佩儀

一日內連撞3個人,真係邪邪邪邪

有人說：「快樂是膚淺的，痛苦才有深度；許多文學巨著都是以悲劇為主題。」快樂，是智慧；如何在不完美的人生中保持快樂，是一門學問。快樂的第一步，是學會看好的一面。

擇自區樂民新書<<快樂在你手>>

快樂在你手嗎?

今日係10/7/2005,一早就同朋友買了飛睇女排,今年d飛好搶手呀,仲搶手過上年好多好多,我上年臨場都買到飛的,但今年已經一早賣晒lu,好彩我同個fd係知道開始買飛冇幾耐已經去買lu,所以我們座的位置都幾好。

返完崇拜12點,因為約左個fd 1230係紅館等,而我教會又係大角咀,唔近mtr,又冇巴士同小巴直去,咁我唯有好趕咁行去旺角火車站la,點解今日會咁熱ga,我就黎係途中熱融了。終於去到紅磡火車站la,唸住去美心買份三文治食la,點知一份普通到普通既腿蛋治都要$17,我心唸唔駛咁貴呀,又要排隊,咪唯有轉移慾步去美心西餅買左個飽lor,點知我買完先係隔離間ok到見到有三文治買,點解會咁ga。好啦,既然買左就算啦,於是就會合阿anne,佢呢個遲到大王竟然冇遲到wor,我真係好彩,佢仲出黎之前係m記買了個烤餅餐tim,同我個飽相比,突然覺得自己好慘tim。跟住係行去我地既紅閘之前,我買了本場刋,不過係薄個本,厚個本太貴la,雖然d內容好精采,我覺得,同埋都係用黎留念啫,點知簿個本場刋d資料有d癈,haha,不過$20留個記念咪算啦。另外,我地仲俾人問價,大家唔好誤會,係問我地有冇飛多出讓添,haha,可見今年d飛有幾好賣呀!

1240
終於入左場啦,我地今年坐42段23行,今次仲係anne第一次現場睇女排呀,一入到去見到多明呢加同德國練緊波,我地係呢個時候緊係食野醫肚la,我成朝only食左隻蕉做早餐jar。

1315多明尼加vs德國
呢場係香港站既季軍戰,初初其實我覺得德國係應該睇高少少的,不過我唔係好like德國呢隊波,亦都唔係捧多明尼加場,雖然我覺得佢地香港站打得唔錯,d波幾韌,應該唔似之前一場都冇win過既team.場波開始啦,初初我同我個fd都係中立ga,但係打下打下,我地同全場大部份其他球迷一樣,都被多明尼加既表現所吸引,佢地d分一路都同德國咬得好緊(第2局除外),我地仲開始為多明尼加打氣,加油添。雖然,頭2局都係德國win ga,不過見到多明尼加力追最後3局,仲要最後win埋,攞左香港站既季軍tim,真係令到現場好多人熱血沸騰,並且為之動容,包括左我地,我地2個仲拍到對手變左鐵沙掌呀。由於賽會方面冇唸過場波會打足5局,超晒時,所以原定既明星dj隊vs昔日中國女排隊唯有被迫取消la,我地亦都無緣欣賞到昔日中國女排五連冠既成員身手lu。

經過了2個鐘既熱烈拍掌後,我對手就黎冇la,好彩係呢個時候,啦啦隊既人派左d bonbon棒俾我地,haha,但係因為佢帶唔夠上黎,所以話再攞俾我地,點知都係冇上到。我同anne得一pack,咁佢咪俾我先lor,初初以為個啦啦隊會上黎,唸住等下一輪,haha,點知我個pack原來是我同佢唯一一pack,仲要係漏氣的,中國vs意大利比賽中途不斷要幫佢補氣,不過補氣都好過我發din咁再拍掌呀,冇咁傷對手ma,你話係咪?不過anne因為覺得要pair漏氣既bonbon棒都係冇乜用,所以佢全程4hrs都拍掌ga,仲練成鐵砂掌tim。我呢,就唔知係咪因為太努力,太興奮咁拍掌所以生了1個水pok。

1515中國vs意大利
呢場係香港站既冠軍戰,係2隊波練波之前要舉行升旗禮,全場坐無虛席,10000個座位全告爆滿,我相信好多入場既觀眾同我地一樣,都係為中國隊打氣,好想睇到中國win,但係我亦深知中國隊可能係香港太多應酬關係,之前2日對住d弱隊都打得麻麻,比較慢熱,而今日佢地既對手係歐洲強隊意大利,佢地之前瑞典精英賽亦都輸過俾意大利,所以呢場既勝負真係好睇雙方臨場既發揮。開波啦,中國隊初初同意大利隊一直咬住上,現場觀眾由第一局頭3-4球球都拍(當然中國攞分會拍得大力好多)到第5,6分之後,慢慢只為中國隊攞分,發球拍掌,加油努力,我終於知道乜野叫主場之利。但係睇黎現場觀眾既支持對中國隊幫助唔大,我初初唸可能佢地既老毛病"慢熱"又出黎啫,好快會站穩陣腳,點知今日既意大利隊真係發揮得好好,佢地攔網既時間好準同好高,又睇穿晒中國隊既戰術,佢地d波又快又恨又勁,戰術變化又多,返之,中國隊係呢場比賽既戰述變化唔大,快攻少了很多,又成日俾人睇穿個進攻點同進攻模式,每每進攻都被意大利成功防守攞分,所以中國隊今場輸都合理的。不過有個現象好奇怪,局局去到中,後局,中國隊都好似突然間醒了,現場觀眾既情緒又再被推高,憑住發球,難得既攔網成功見到佢地追番接近d既比數,但係當你以為有機會既時候,意大利就叫暫停,跟住又好似站穩住腳,跟住中國隊再追,意大利再叫暫停,跟住意大利再攞分,跟住就3局以同樣既比數25:22輸了,希望中國可以檢討一下香港站呢幾場波既表現,係日本仙台總決賽打得好d la.

1715頒奬禮
今年有國際奧委會會長黎香港頒獎,個mc由第一場波開始呼籲大家睇完唔好走,顯示下香港觀眾對體育既支持,咁我同anne又冇野做,當然留起度睇埋個頒獎la,但係大概有3-40%觀眾己經走了。最後香港站既結果係1)意大利,2)中國,3)多明尼加,4)德國。另外,周蘇紅攞了最佳扣球手同接球手,楚金玲就拿了最佳發球手,隊長馮坤就拿了最受歡迎球員奬(不過我就鍾意楊昊多d,可愛d),MVP就由意大利9號球員奪得。

終於睇完波la,呢個時候既我地係超級肚餓,於是便唸住去我地好掛住既加連威老道間北海道拉麵醫肚。離開紅館時,見有條路係出番尖東,但係又唔係我地行開個條,咁咪唸住又唔係趕時間,咪試下lor,點知呢條路原來係行番出去尖東海傍,跟住我地再上天橋行番去尖東,估唔到原來係要兜1個大圈,下次真係唔會咁行lu。
去到間北海道拉麵舖頭,今次叫了麵鼓拉麵,另叫了炸雞塊,個炸雞都幾好,個拉麵湯底依然香濃,都仲係令到我不惜冒了肥唔知幾多既風險狂飲個湯底,不過今次個2塊叉燒冇我上次食咁正,不過我覺得以呢個價錢,都值回票價gei。走時行了加連威老道一陣消化消化,跟住就返家lu,途中撞到以前曾時setter既thomas(真係嚇親)同catherine,仲發生激烈既爭執tim,haha,最後都和平散去。返到屋企先知原來屋企冇飯食,好彩一早打左番屋企話唔番屋企食啫