熊貓仔俱樂部

呢排唔知點解,成日落雨,仲要係好大個隻

今日多了人同我爭toilet,變左遲了用,也遲了出門口,再加埋咁大雨,所以最後雖然只係搭1個站,但係我都係搭mtr返工。

今日落咁大雨,所以午飯也叫了外賣,成家公司d人一齊食飯既感覺真好(有d人搭飯,有d人叫外賣),以前一定唔會有

放工還是下大雨,有遮都照濕,無論頭髮,件褸,條裙,對鞋,無一倖免
實在太恐佈la,名符其實既落湯雞

今日午餐食得好豐富呀,我地5個人去左pizza hut食左個4人餐,有1個大批,2個意粉,飯,4個湯,4杯野飲,食完好飽呀

跟住下午茶又唔知點解會有d好靚既生果puff,幾好味,我發覺係呢間公司會幾易肥呀

返到屋企家姐竟然話有飛去廸士尼,我呢d忠實disney fans就緊係死都去la,yeah!!!!!

過得開心愉快的1天

今天一早就俾老闆娘追了去開會,跟住就自己dept開會,攪到我成朝都冇機會食早餐,做手頭上的工作,開完都已經係午飯時間了

午飯去了金太郎,我竟然叫了蟃魚定食呀,我叫個時唔記得左廣州饅魚單野,希望我食d饅魚冇事啦
離開時落勁大雨,好彩elaine帶了個有遮的袋出去,結果我地8個人都係得1把遮,yeah
我有幸有遮擔,不過都係濕既,返到office覺得好凍,即刻close/較細晒d冷氣,再加著返件衫

今日係我第1次開聯席會議,每1個dept也要派人開的

由於開會時間delay了,所以lunch time也要叫外賣,一邊開會,一邊食飯

今日朝早著了對新鞋返工,點知刮鞋刮到死下死下,好痛呀

放工唸住去吉吉$10店睇下買貼鞋跟個d鞋跟貼,點知得鞋墊jar,最後都要去mannings買,個鞋跟貼個price係我對鞋既一半呀,就黎妹仔大過主人婆

知道舊公司個shipping既同事leave,咪唸住問下阿公做唔做lor,點知佢已經find到佢最想做既工作la,雖然我不是太認同,亦認為佢做呢份新工可能會令他的父母不開心,但是做朋友的既然己經同佢分析過,了解過,我地是真的希望佢做得開心快樂,我地會撐你的。

今日好忙呀,朝早如常返崇拜,但係我見今日天氣涼左,所以我係由屋企行路返church,要成40mins ga,都幾耐。崇拜完就同EMILY做守望,跟住同教會D朋友一齊食飯,再係新世紀行左一陣,跟住就係旺角火車站做義工,全日都冇乜點休息過,真係好TIRED呀,不過都好有意義既,因為可以籌款幫到D失明人士。

其實我己經幫奧比斯做義工做左幾年,不過上年同前年都好似唔記得SEND番封信去奧比斯,所以冇做到,今年終於有FAX番封信LA。原本我報左上個禮拜六,今日,同28號做義工義賣月餅同立體奧比斯飛機燈籠,但係因為上個禮拜六紅磡火車站到唔可以容納咁多人同時係個場到義賣,所以就CUT了我。

今日係我今年第1次義賣呀,時間地點係3-7pm旺角火車站,義賣既野包括左奇華既迷你蛋黃白蓮容月$30,同埋奧比斯立體飛機燈籠$30。其實義賣這些物品相對於平時禮拜三,六既賣旗比起上黎都有相當既難度,因為所牽涉既金額比較大，而且大家對呢d義賣既商品又未必有興趣,或者會覺得貴(但係做善事MA),所以大家可以想像到真係唔係咁容易,你會係過程中狂俾人拒絕,而且我地係連續4個鐘企係到賣,被拒絕,所以真係好攰GA,再加上火車站又焗,好彩冇著牛仔褲,而係著左條短褲,如果唔係真係會熱死。

HAHA,感謝神,我今日既戰績算唔錯呀,可能我夠主動,臉皮厚,食幾多檸檬都臉無懼色,屢販屢戰,我今日賣左20個燈籠呀,仲有賣左9個定14個月餅。我發現好多小朋友都好想要D吹氣立體飛機燈籠,但係佢地既爸爸媽媽就迫個小朋友走/用其他野威脅佢地/要佢地做抉擇,真係殘忍。

賣完了去左大家樂食個鐵板餐,味道都唔錯,大家可以去試下。

我下次會係28/8(日)係TST栢麗大道到繼續幫奧比斯義賣呀,希望大家多多棒場。

之前約了Cathy今晚出黎食飯,但大家又冇double confirm,好彩大家都冇唔記得到。

佢同佢男朋友啱啱去完日本仲帶左d手信俾我tim,有好出名既長琦蜂蜜蛋糕,呢個幾好味,但係我都係鍾意台灣既義美蜂蜜蛋糕多d。仲有1條叮噹既長崎限定版電話手繩同埋我最愛既新幹線袋呢，真係要多謝Cathy。我地還去吃了好時沙嗲的海南雞飯,xo醬炒蘿蔔糕同埋半打串燒呢,真係好好味。

食飽飽緊係要行陣街消一消化la,點知行行吓落大雨wor,好彩有帶umbrella,如果唔係真係有點兒狼狽呢。

今日會考放榜，覺得好似同自己冇乜關係，覺得己經好遙遠咁,畢竟已經係97年既事。知道一齊唱acm詩班的朋友1個原校讀中六，1個唔夠分要找學校，實要為她感恩，願意神係當中都保守，帶領，我相信神會有祂的安排。

今日收到以前的大學同學來電問我野,接到佢電話都幾surprise,因為通常係我find佢,而好少佢find我既。

原來不知不覺我都好似幾耐冇見過佢/講過電話,大家互通近況,唔知點解佢又會知道我轉工,我地傾了陣計,還約了遲些9月份再見面呢,真好。

今日禮拜六,要返半日,我今日同尋日一樣差唔多時間出門口返工,都係差唔多時間到公司啦。不過,原來這間公司d人禮拜六係唔會咁早返到公司,所以我們没有鎖匙便唯有企係門口等啦,真係好熱,好似焗桑拿咁。

跟住放工就趕去旺角新世紀會合d fd食lunch同睇"露寶治的世界",點解成個新世紀咁多人ga,最後,我地去左food court到食飯,宜家新世紀個food court靚左好多呀。我地跟住就去左睇露寶治的世界,可能我之前期望太高啦,故事係比荒失失好同完整,但係冇我想像中咁好笑lor,可能個場唔full,又冇乜細路仔睇,我又眼訓(我尋晚訓了4hr only)仲係中段訓下醒下咁啦,所以咪...。

睇完戲就同judy行左陣波鞋街,估唔到我地果然係心有靈犀，我地既心水都係一樣。跟住我就去左中環藝穗會睇個fd做既舞台劇,今次係我第一次睇jar,個感覺幾特別。呢個drama其實入面係有3個分別來自中,港,台既劇本,我個fd做的那個叫困獸鬥(香港),另外還有2個其他單完刻呢。不過睇完真係好攰了,睇完都成10點45分,我今日成日真係冇停過,好tired呀,聽日又係成日都full晒,好忙呀

今日返工係公司門口撞到中學同學eunice,放工趕去搭火車過新世紀又撞到教會個fd阿"si",睇黎我呢個人真係唔撞人唔安落呀。Haha!!!我地今日仲發現我同catherine竟然撞左對同色同款既converse鞋tim,真係邪!!!

今日係我新工第1天上班,所以我是不會遲到的,今日7點45分起身梳洗,梳洗完就食早餐,吃完早餐就換衫返工。我0823出門口,行路返到公司就大約0850左右啦。其實我返工真係唔主張搭mtr,因為朝早又唔熱,行去mtr都2個字,mtr行返公司又要1個字,上落樓梯又要1個字,仲有呀,朝早返工架mtr好多人,搭1個站真係太無謂la,計埋都差唔多,所以我想我暫時都會選擇行路上班的。

可能我早到,所以去到個hr都未番,我等到個hr番左黎,佢就叫我入左間會議室,因為暫時冇位坐,佢俾左個員工守則,同埋會計部既天書俾我睇,後尾老細便入了黎。但因為其實我初初都唔知佢係邊個,所以我竟然好沙膽咁問佢點稱呼,後尾我先睇到佢既表情估到佢係老細呀,我真係有眼不識泰山,haha,不過佢咁好人絕對唔會介意既。佢入左黎同我傾左陣,佢都幾好傾,跟住佢叫左將會走的同事同我講解我要做的工作,其實我要做的工作相對之前那份可算是簡單得多了,主要是控制個cash flow,睇實個bank balance,開票同埋睇下幾時有票出,仲要睇埋其他a/c既工作,呢間公司a/c total有7個人,有3個係深圳做back up,另外office仲有hr,物業管理部,工程部,mkt等部門啦,另外還有d係唔同bldg既管理員,區長等la,我睇份公司簡介話公司宜家管緊6x棟大廈,有200人喎,算係中型既物理學家管理公司啦。

跟住差唔多到1點大家同事就準備好去食飯啦,我同一班同事係食扒王之王,仲識了班同事,不過太多名我都唔係個個記得,個HR問我係咪christian,我話係la,仲問我返邊間church,原來佢話緊日in我時睇到我d資料都見到,所以先問我jar,haha,原來佢都係christian,唔怪得知緊日in時我覺得佢好人,同埋會係幾好傾啦,呢d係咪叫人夾人緣呢。另外,原來有2個其他dept既女仔都係早我少少入去jar,仲要係差唔多大tim,真係好。

下午就終於用得電腦,唔駛齋聽la,朝早講d野有更加concrete既idea lu,不過我做既task都唔係咁難,我都handle得到。下午茶時仲有1個管理員送來的粟子cake食tim,死啦,我咁樣會唔會好易肥ga,有d擔心tim。呢間公司d人好準時走ga,同埋d同事都成日要去外勤既,例如去巡樓啦,睇下d大廈既情況,去開會,投標,...,絕對唔會磨爛席ga,真係好,我想find呢d工好耐lu

放工因時間尚早,同埋唔想同人迫,所以由tst行去mongkok會合joan,judy同dominic一齊食飯,我地今晚去左王家沙,今次係我第一次食,我覺得除了個生煎包外,其他都一般la,每人呢餐食左$80,跟住elaine打黎睇下我地散咪,我地咪去左朗豪坊starbuzz飲野lor,我叫了杯mocha既fappucino,都ok ga,幾好味,估唔到我又撞到人,真係咪話唔信邪,唔知anne有冇機會破之前我撞到wayne既紀錄呢(10日裏面撞3次),宜家暫時我地撞到既成績係7日裏面撞2次,haha,期待破紀錄的一天

經過眾多朋友多番催促後,我尋晚終於再次send信,有些時候我覺得我的朋友比我還緊張我的工作,前路呢,真係奇怪。至於我自己呢,其實我並不太著緊,因為我一路都有番pt-time,生活不成問題,況且,我絕對相信我所信的神佢會有豐富的預備,唯有祂才知道我們的需要,知道我們的未來,知道怎樣才是對我們最好,又最適合我們呢,所以在找工作上,我真的一點也不擔心,我已經將這件事完全交在神的手裏了,神必會安排1份合祂心意的工作給我。就好像3年前大學畢業時,縱然那時市道很差,我那時仍然會去旅行,去玩,並不急於找尋工作,而我身邊的朋友呢,他們真的很著急,很緊張呢,但神都保守我在找工作的過程中有順利,並很快也找到了。朋友們,當你們迷失時,需要神時也不妨向神祈禱呢,祈禱不是基督徒的專利,願意大家也能經歷神,得著神的平安,保守,帶領。

其實我尋晚send既信並不是太多,因為我覺得copy and paste實在太過麻煩(我是send埋cover letter的,所以每封cover letter都要改資料呀,救命呀),所以並唔係send左好多,我係only send今晚係勞工署search到係油尖旺,同中西區的會計空缺,而人工又是ok的,最後我send了10封信左右,跟住我去左recruit同jobsdb睇,但係因為太多la,所以我都冇留心睇,唸住第2朝先send呢,我係咪好lazy呢。
Haha,估不到我尋晚11點幾12點send出去既信那麼快就有回音,有1間係TST的公司係9點半打黎約我12點interview,好彩我個時醒左啫,把聲仲係幾精靈(我其實係零晨4點幾先訓,第2朝9點起左身)。跟住我11點幾出門口,沿路還想起一首詩歌(以前學校成日唱)的歌詞"天邊飛雁不耕不收,我父仍將他保守,可知你何等貴重,天父必保守",我還向神祈禱說願意讓神替我interview,我知道我們不是靠自己的能力/才能去interview,而是靠神的靈去interview呢,又求神賜我有平安,有冷靜,有智慧去interview,無論in得成與否,我都會接受,因為我相信神會預備最適合我的工作呢。

感謝主,我in的過程真係很平安呢,半點也没緊張過。其實在in之前要填份application form同埋要作中,英文各1封的警告信警告管理員不可在工作期間睡覺呢。另外,在作信時我都聽到個到d人傾閒計,覺得個工作氣氛都唔錯呢,大家好似都幾後生呢。跟住,作完就in啦,我覺得個HR都幾好人,好似一個朋友咁,in既時候都好平安,舒服同自然呢,所以我成個過程都可以keep住笑ga,我好少有ga,通常我in都會幾緊張,有時仲會緊張得滯會望下周圍既野呢,而我今次係真係1次都冇ga。in完個感覺幾好,不過結果都是交俾神la,個hr話佢會儘快呢幾日通知result,因為佢都知我宜家都會好忙咁去in lor。

in完我仲去食左佐敦新開既沙嗲王用試食價$15黎既白架喱豬扒飯,加埋1都係$16.5,好抵呀,亦都好滿足,不過我覺得佢個汁可以再整杰些少呢,撈飯會更加好味。返屋企睇報紙,屋企竟然1個人都冇,咁我見細佬熄左電腦,費事再開番部PC啦,咁咪睇TV LOR,電視做緊情濃大地。HAHA,就係呢個時候,就收到我今朝IN個間公司既電話叫我明天返工啦,我當然冇問題啦,THANKS GOD.突然之間覺得一切發生得太快,好彩我之前玩了成個月啫,如果唔係我覺得真係好慘GA,好似冇休息過咁,HAHA!(我係咪好貪玩呢?)跟住原本想上MSN話俾朋友知,但係我又真係唔想開PC,所以算了吧啦,都係留待今晚先同朋友分享這個喜訊。

跟住出左旺角想買返工既裙,我返工要著SMART CASUAL,星期六除外,這份工作返5日半,放公眾假,有7天大假,有睇醫生津貼,最重要既係近我屋企,唔駛搭車,SAVE好多車錢GA,但係都BUY唔到,不過我屋企都有D頂住先的。再去埋信和買H2第10期返屋企嘆,我真係好滿足呢。

今日睇報紙,見到一個叫Sudoku的遊戲,挺好玩的,現在同大家分享下。

這個Sudoku同傳統既cross puzzle填字遊戲有d似,都係given左d字,你要跟據這些提示來推斷空格中的答案。不過這個Sudoku不是填中/英文字,你不需要識很多詞彙/vocabulary,也不用懂得運算加減乘除，你只需知道有1-9這9個數字便可,因為Sudoku只需要玩家填數字,它所考的只是玩家的推理邏輯能力罷了。

遊戲方法：在9x9的Sudoku板圖裏內含9個3x3的小九宮格,題目會預先給了幾個小方格的數字,每一個玩家就必須跟據這些已GIVEN的數字來推斷餘下的小方格的數字(1-9)。而Sudoku唯一的RULE是每一直行,每一橫列,及每一個小區3x3的九宮格內的數字不能重覆,即所有1,2,3,4,5,6,7,8,9的數字必須全部出現在每一直行,每一橫列和每一個3x3小區的九宮格內。

遊戲難度分三級,如果你是聰明的,容易可以5分鐘完成,中級的可以在15min內完成,最難的可以在25min內完成。至於我的成績,三個級別的難度也可在8-10min完成呢。大家也來試下自己的推理能力啦!!!
http://www.sudoku.com

今日看了一封90項世界人鮮為人知的冷知識,其中有1項關於數學的冷知識是頗有趣的,今天同大家分享下。另外,記得以前讀中學時,數學老師也告訴過我們另一個關於平方的有趣結果,今日一次過和大家分享,那麼大家以後計這2個平方就可以不用再按計數機了

(一)大家知道1,111,111x1,111,111的結果嗎?(不按計數機)
1x1=1
11x11=121
111x111=12321
1111x1111=1234321
11111x11111=123454321
. .
. .
. .
無錯啦,1111111x1111111=1234567654321,係咪很有趣呢?

(二)大家又可不可以不按你們的計數機,知道35x35,45x45,55x55..95x95的結果呢?
15x15=225 (first digit=1x2,last digits=25)
25x25=625 (first digits=2x3,last digits=25)
35x35=1225(first digits=3x4,last digits=25)
45x45=2025(first digits=4x5,last digits=25)
55x55=3025(first digits=5x6,last digits=25)
65x65=4225(first digits=6x7,last digits=25)
75x75=5625(first digits=7x8,last digits=25)
85x85=7225(first digits=8x9,last digits=25)
95x95=9025(first digits=9x10,last digits=25)

希望透過這個少少分享,能讓大家發現數字中奇妙有趣之處,從而發掘,增加對數學的興趣啦?
(其實我仲有些其他關於數學的趣味資料,不過不是關於平方的,還是留待遲些給大家分享吧啦

待續...