熊貓仔俱樂部

今日行程緊密

朝早就返church崇拜,崇拜完左教會有主日學係講小組的成長,但係因為我要meet elaine同judy,所以都冇去join,還是下個禮拜join好了。

崇拜完左就火速去gather elaine同judy一齊食lunch,由於朝早吃了早晨全餐,所以不是太肚餓,但judy就好肚餓,所以我地就去左麻布茶坊到解決,我食左個新出品既冷noodle,你知啦,雖然係10月,但仲係好似7,8月d天氣咁,緊係要食番d凍野降晒温la。

食完我地去左跟住同佢地係tst行了新開的sogo,尋日我已經行過一次,今日d人仲多過尋日,超級迫人,elaine同judy係間ans既日本手袋,配飾店睇了一陣,最後佢地買左d耳環,係俾錢等緊張信用咭look完番黎之際,我地點都估唔到會咁近距離見到古巨基,我地同佢既距離只係1m左右,冇人遮住我地,伸隻手出去仲可以同佢握到手添(話說古巨基會出度tst sogo既一個活動,佢一到左我地以為佢會直接上台,所以我地都冇理,點知佢經過我地等緊間shop對出既通道番後台,令我地可以近距離見到佢),佢同我地差唔多高,高我地少少咁la,對眼好大,個頭應該落左唔少定型水,好好笑容,感覺佢好nice,真人俾上鏡瘦。

見完明星買完野就過銅鑼灣睇劉德華套童夢奇緣,judy仲差d帶錯我地去第二間非指定既戲院tim,好彩最後check一check。今日銅鑼灣俾平時既禮拜日少左好多人,可能d人去晒tst la,話晒有2間大shop新開張,香港人"新事坑"ma。套戲都ok,睇完都會有d meaning get到,仲有,做劉德華個細佬個童星好cutie,好正,我鐘意佢。

睇完戲行左東角駅同埋ikea一陣,東角駅唔知個業主係咪玩重組,所有shop都貼話租約期滿,話會搬去唔知邊度,但係都冇一間shop吸引到我地駛錢。跟住我地去了ikea,我要買5r相架,而judy就買了張地氈。行完好肚餓,見到ikea個小食部d平價hotdog,爆谷,真係好想食,但係大家都番屋企食飯,所以要忍口。

行左成日,真係好攰,而且條街又多人,又"蟻"焗,好辛苦。

p.s.今日係我教會去tst搭mtr既路途中,係架mtr就黎埋站既時候,我係mtr裏面見到一個好眼熟既人,原來佢係係account好出名既同學仔,當時有xx王子之稱,佢拎住左本書到係月台到等緊車,落車個時,我仲double confirm我有冇睇錯人tim,答案係冇,如果我見到佢,佢見到我,真係唔知我地會講咩,可能都係寒暄幾句la。我發覺我真係好恐佈,非常之眼利,所以我就成日撞到人。